“Парис 2024” зуны 33 дугаар олимпын наадмын нээлтийн үйл ажиллагаанд оролцох Монголын баг тамирчдын ёслолын хувцсыг Michel & Amazonka брэнд хоёр дахь жилдээ урлаж байгаа юм.
Энэ удаагийн ёслолын хувцасны хувьд төрийн их 9 хөлт цагаан туг, олимпын бамбар, Парисын олимпын бэлгэдэл, нар сарны дүрслэл, гоо марал зэрэг үндэсний болоод олимпын бэлгэдэл болсон үнэ цэнэ бүхий дүрслэх хэрэглүүрүүдийг алтан утсаар хатгаж урлажээ.
Франц улсын Парис хотод зохион байгуулагдах XXXIII дахь удаагийн зуны Олимпод оролцох Монголын баг тамирчдын ёслолын буюу парад хувцасны загварыг тус брэндээс танилцууллаа.
