ИЗНН Үндэсний хорооны хурлаа хийж УИХ-ын сонгуульд нэр дэвшигчдээ тодруулсан. Хөдөлмөрийн баатар Х.Цагаанбаатар тус намд элсэж, Үндэсний хорооны хуралд нь оролцсон. Өчигдөр тэрбээр ИЗНН-ын Дархан-Уул аймгийн намын хорооны даргаар сонгогджээ.
Х.Цагаанбаатар “Намын хурал ардчилсан, шударга болсонд баяртай байна. Энэ намыг сонгож орсон. ИЗНН-д итгэл хүлээлгэж байгаа бүх хүнд баярлалаа. Монгол Улсынхаа ирэаэдүйн хөгжлийн төлөө хамтдаа зүтгэхийг хүсэж байна. Нийгэмд болохгүй байгаа олон зүйлийг өөрчлөхийн төлөө хамтдаа зүтгэх болно” гэсэн аж.
Хөдөлмөрийн баатар Х.Цагаанбаатар нь 2016 оны сонгуулиар Тусгаар тогтнол, эв нэгдлийн намаас Дархан-Уул аймаг буюу 43 дугаар тойрогт нэр дэвшиж байсан билээ.
Өмнө нь хоёр ч удаагийн сонгуульд Баянгол дүүрэгт бие даан нэр дэвшиж байсан дуучин М.Нартануяа /Нара/ ИЗНН-д элсч тус намын дэд дарга болсон аж.
