Ойн газрын дарга Б.Оюунсанаа самар түүхийг хориглосон шийдвэрийн талаар мэдээлэл өглөө.
Тэрээр,
Хүрэн баавгай идэш тэжээлийн хомсдолд орж байгааг мэргэжлийн судлаачид тодорхойлсон байна.
Уур амьсгалын өөрчлөлт бол яахын аргагүй нөлөөлж байгаа. Зөвхөн Монгол Улсын хэмжээнд биш Европ, ОХУ–ын Монголтой хиллэдэг хэсгүүл дээр ч гэсэн баавгай суурин газар луу орж ирж байгаа мэдээлэл их гарч байна.
Цөөн илэрдэг байсан үзэгдлийн давтамж нэмэгдээд байна гэдэг амьтдын, ялангуяа хүрэн баавгайн амьдрах орчинд ямар нэгэн байдлаар өөрчлөлт гарсан гэсэн үг.
Тийм учраас бид Архангай, Өвөрхангай, Булган, Завхан, Сэлэнгэ, Төв, Увс, Хөвсгөл, Хэнтий гээд хуш модны гол тархац нутгаас үйлдвэрлэлийн болоод ахуйн зориулалтаар энэ жил самар түүхийг хориглосон шийдвэр гаргалаа.
2024 онд гарсан журмаар тухайн жилийн хуш модны самрын гарцыг 100 гэж үзэх юм бол 40 хувийг нь хуш мод сэргэн ургалтад зориулж үлдээдэг. Мөн баавгай, самар, шаазгай, хэрэм гээд олон амьтдын идэш тэжээлд үлдээдэг.
Тийм учраас одоо үлдсэн самар, жимсээ амьтаддаа үлдээе гээд түүхийг хориглосон шийдвэр гаргалаа.
