Өнөөдөр ҮХЦ-д Г.Эрдэнэбат, Ж.Сүхбаатар нарыг томилж, Д.Баясгаланг чөлөөлснөөр бүрэлдэхүүн нь бүтэн болсон. Тэгвэл ҮХЦ хуралдаж, даргаараа Жуужаагийн Эрдэнэбулганыг сонгов.
Үндсэн хуулийн Цэцийн тухай хуулийн 6 дугаар зүйлийн 1 дэх хэсэгт “Цэцийн даргаар сонгох хүний нэрийг Цэцийн гишүүд дотроосоо дэвшүүлэн хуралдаанаараа хэлэлцэж, саналыг нууцаар хурааж нийт гишүүний олонхын санал авсан хүнийг сонгоно” гэж заасны дагуу Үндсэн хуулийн цэцийн гишүүн Жуужаагийн Эрдэнэбулганыг нийт гишүүний 100 хувийн саналаар Монгол Улсын Үндсэн хуулийн цэцийн даргаар сонгосон байна.
Түүнийг Монгол Улсын Дээд шүүхийн санал болгосноор Монгол Улсын Их Хурлын 2021 оны 3 дугаар сарын 26-ны өдрийн 31 дүгээр тогтоолоор Монгол Улсын Үндсэн хуулийн Цэцийн гишүүнээр томилон ажиллуулж байна.
