Сайд Б.Энхбаярыг МАН-аас хөөсөн шийдвэрийг хүчингүй болгожээ

Өнгөрсөн 10 дугаар сарын нэгэнд МАН-ын Хяналтын ерөнхий хороо хуралдан, УИХ-ын гишүүн Б.Энхбаярыг намын гишүүдээ гүтгэж гүжирддэг, намын нэр хүндэд удаа дараа халдсан хэмээн намаасаа хөөсөн. Уг шийдвэрийг нь сайд Б.Энхбаяр эсэргүүцэж гомдол гаргасныг шинээр байгуулагдсан МАН-ын Хяналтын хороо нь хэлэлцээд өмнөх шийдвэрийг хүчингүй болгожээ.

Энэ асуудлыг анх хэлэлцэхдээ МАН-ын нэр хүндийг гутаасан үйлдэл, эс үйлдэхүй, ёс зүйн хэм хэмжээ зөрчсөн эсэхийг МАН-ын дүрэмд заасны дагуу хянан шалгаж тогтоогоогүй, Ёс зүйн хорооноос ёс зүйн зөрчилд дүгнэлт, зөвлөмж гаргаагүй, маргагч тал болох Б.Энхбаяр гишүүнийг тайлбар гаргах, нотлох баримт гаргаж өгөх, хуралдаанд биечлэн оролцох эрхийг хангаж өгөөгүй гэж үзсэн байна.