Засгийн газраас 2025 оны төсвийг дахин боловсруулахдаа Ч.Номин сайдын багцаас 18.3 тэрбумын соёлын эрхийг бичиг зэрэг тодорхой төсвийг хасаж, УИХ-д өргөн барьсан юм.
Тодруулбал,
- Соёлын бүтээлч үйлдвэрлэлийн тухай хуулийн 8.2, 8.3 болон 8.4 дэх хэсгийг буюу соёлын эрхийн бичгийг хүчингүй болгох
- Засгийн газрын тусгай сангийн тухай хуулийн 3.2, 5.3.9 дүгээр заалт, Кино урлагийг дэмжих тухай хуулийн Дөрөвдүгээр бүлэг буюу Кино урлагийг дэмжих зардлыг хүчингүй болгох зэргээр шинэчилсэн төсөвт тусгагджээ.
Тэгвэл өнөөдрийн/2024.12.06/ УИХ-ын чуулганы нэгдсэн хуралдаанаар гишүүд соёлын эрхийн бичиг, Кино урлагийг дэмжих сангийн зардлуудыг хасахыг дэмжихгүй гэсэн байр суурийг илэрхийлж, санал хураалтаар дээр дурьдсан төсвүүдийг хасахыг гишүүдийнх дийлэнх дэмжсэнгүй. УИХ-ын индэр дээрээс хамгийн их эсэргүүцэж байсан Ж.Баярмаа нарын гишүүд ч өнөөдөр эсрэгээрээ санал өгөв. Ийнхүү олон нийтийн шүүмжлэлд өртөөд буй соёлын салбарын төсөв хэвээр үлдлээ.
