-Шинийн 8-ны дотор Шилийн богдод мөргөхдөө 15 тонн хог хаяжээ-
Жил бүр Цагаан сарын шинийн 8-ны дотор Шилийн Богдод мөргөх аялагчдын цуваа Дарьгангыг зорьдог. Дээр үеийн сайн эрс Шилийн Богд дээр гарч хийморио сэргээдэг домгоос үүдэн эрчүүд голдуу тийш зорьж, хийморио сэргээдэг уламжлал тогтжээ. Гэвч хийморио сэргээхээр зорьж очсон аялагчид Шилийн богд уул, Тоорой бандийн хөшөө, овоог хогоор дараад буцдаг аж. Энэ жил ч тийм явдал давтагджээ.
Дарьгангын Байгалийн цогцолборт газрын хамгаалалтын захиргаанаас дээрх газрыг цэвэрлэж, 15 тонн хог хаягдлыг зөөж, сумын хогийн төвлөрсөн цэгт хаясан тухайгаа сошиал хуудсаараа мэдээлжээ.
- Эрийн хийморь сэргэс сэргээсэн
- Шилийн богд сонсож бай
- Эр чадлаа гайхуулсан Халхын сайн эрс дуулж бай… гэдэгчлэн тухайн үеийн Шилийн сайн эрс нь жинхэнэ эх орончид байсан гэдэг. Тэгвэл орчин үеийн эрчүүд байгалиа хогоор дарж хийморио сэргээжээ. Тэгэхээр эрчүүдийн маань хийморь яг сэргэсэн үү? Гэдэг асуулт урган гарч байна.
