Засгийн газрын өнөөдрийн/2025.02.19/ хуралдаанаар цахилгааны шөнийн тарифын хөнгөлөлтөд өөрчлөлт оруулах асуудлыг хэлэлцжээ.
Эрчим хүчний сайд Б.Чойжилсүрэн:
Иргэдийн цахилгааны тарифыг гурван шатлалтай нэмсэн. 150 кВт хүртэл хэрэглээний үнийг 30 хүртэл хувиар, 150-300 кВт хэрэглээний үнийг 66 хувиар, 300 кВт-аас дээш хэрэглээний үнийг 85 орчим хувиар нэмэгдүүлсэн нь үнэн.
Тодорхой хэмжээний шүүмжлэл байгаа учраас зарим зүйлст өөрчлөлт оруулахаар боллоо. ААН-үүд болон уул уурхайн тарифын нэмсэн үнийг хэвээр үлдээж байна.
Цахилгааны шөнийн тарифын хөнгөлөлтөд өөрчлөл оруулахаар боллоо. Нэгдүгээрт, шөнийн 21:00 цагаас өглөөний 06:00 цаг хүртэлх цахилгааны хэрэглээнд хөнгөлөлт үзүүлдэг байсныг өглөөний 09:00 цаг болголоо.
Үдшнийн 21:00 цагаас өглөөний 06:00 цаг хүртэл 220 вольтоор холбогдсон айлууд 700 кВт.ц хүртэлх хэрэглээг 100 хувь, дээш гарвал 50 хувийг нь хөнгөлдөг байсан. Үүнийг 1500 кВт болгохоор боллоо.
360 вольтын сүлжээгээр холбогдсон айлуудын шөнийн хэрэглээний 1500 кВт.ц хүртэл хөнгөлдөг байсныг 3000 кВт-аас дээш гарсан шөнийн хэрэглээг 50 хувь бууруулах өөрчлөл орсон.
Энэ хөнгөлөлтийг 2025 оны 2-3 саруудад үзүүлнэ.
Ингэснээр цахилгааны үнэ ихдээ 35 хувь хүртэл нэмэгдэж байна гэсэн үг.
