Улаанбурхан өвчний гурван тохиолдол Вьетнам улсаас зөөвөрлөгдөн, батлагдсан. Дархлаажуулалтад хамрагдаагүй эсвэл өмнө нь улаан бурхан өвчнөөр өвдөөгүй бүх насныхан өвдөх эрсдэлтэй юм. Тэр дундаа 0-9 сартай хүүхдүүд вакцинд хамрагдах боломжгүй байдаг учраас онцгойлон анхаарахыг ЭМЯ-наас зөвлөлөө.
ЭМЯ-ны Нийгмийн эрүүл мэндийн бодлогын газрын дарга Л.Баттөр “0-9 сартай хүүхдүүд вакцинд хамрагдах боломжгүй байдаг учраас онцгойлон анхаарахыг зөвлөж байна.
Өвчний шинж тэмдэг илрээгүй л бол гэрийн хяналтанд байх чиглэлтэй учраас тухайн онгоцны 230 зорчигч бүр лүү холбогдож мэдээлэл өгч байгаа. Гэхдээ утас нь холбогдохгүй хүмүүс байна.
Энэ онгоц гэлтгүй бусад улс орноос ирж буй хүмүүс өндөр халуурах, тууралт гарах шинж тэмдэг илэрвэл яаралтай эмнэлэгт хандахыг зөвлөж байна.
Вакцинд хамрагдсан эсвэл өмнө нь өвчилж байсан хүмүүс өвчлөхгүй.
230 зорчигч дотор вакцинд хамрагдаагүй хүүхдүүд, насанд хүрсэн хүмүүс байна. Өвчний нууц үеийн хугацаа 28 хоног хүртэл урт байдаг учраас халдвар авчихсан, шинж тэмдэггүй ч халдвар тараах эрсдэлтэй.
Тууралт илрэхээс тав хоногийн өмнө халдвар тараах боломжтой байдаг” хэмээн ярилаа.
