Хоёрдугаар сарын 22 буюу энэ бямба гарагаас эхлэн тээврийн хэрэгслийг тэгш, сондгойгоор хөдөлгөөнд оролцуулахаар болжээ.
Тодруулбал:
-ТЭГШ тоогоор төгссөн улсын дугаартай бол 2-р сарын 23,25,27-нд
-СОНДГОЙ тоогоор төгссөн улсын дугаартай бол 2-р сарын 22,24,26-нд хөдөлгөөнд оролцох юм.
Өмнө нь мөрдөгдөж байсан бүсчлэл дээр МИС-ийн уулзвараас 19-ын үйлчилгээний дунд голын зам, Гандигын гудамж, И мартын уулзвар хүртэл авто замууд нэмэгджээ.
Замын хөдөлгөөний удирдлагын газрын Хөдөлгөөн зохицуулалт, хяналтын хэлтсийн дарга Н.Намуун “Ойрын өдрүүдэд сар шинийн баяртай холбоотойгоор Барс, Хархорин, Нарантуул, 100 айл руу зорчилт хөдөлгөөн эрс нэмэгдэж байна.
Оргил ачаалал 17:00 цагаас эхэлдэг байсан бол өдрийн 13:00 цагаас эхэлж байна. Оргил ачааллын үед 7 км/ц хурдтай байдаг бол арга хэмжээ авахгүй бол 5 км/ц болох эрсдэлтэй” хэмээн ярилаа.
