Сонгинохайрхан дүүрэгт 2018 оноос баригдсан “Хүүхэд залуучуудын театр”-ын бүтээн байгуулалтын ажил дуусжээ

Сонгинохайрхан дүүргийн 5 дугаар хороонд 2018 оноос эхлэн баригдаж буй “Хүүхэд залуучуудын театр”-ын барилга угсралт, дотор засал, тохижилт, гадна, дотор цахилгаан хангамж, холбоо дохиоллын ажил бүрэн дуусжээ. Тус театрын захирлаар хошин урлагийн жүжигчин Бооёо буюу Н.Ариунболдыг өнгөрсөн онд томилсон.

Театр ашиглалтад орсноор иргэд хүүхэд, залуучуудад соёлын үйлчилгээ ойртож тав тухтай, орчин үеийн хүүхэд, залуучуудын театрын чиг хандлагатай байгууламжид соёлын үйлчилгээ авах боломжтой болно.

Тус барилга нь дөрвөн давхар, 850 суудалтай, Зоорийн давхарт хувцас солих өрөө, ариун цэврийн өрөөнүүд, бялдаржуулах танхим, хөгжмийн бэлтгэлийн өрөө, оёдлын хэсэг, хөгжимчдийн өрөө, театрын архив, болон бусад өрөө тасалгаа, агуулахтай байна.

  • Нэгдүгээр давхарт үзэгчдийн танхим, гол орц, удирдлагын өрөө, сургалтын танхим, оффис, зочдын өрөө, кассын өрөө, жижиг хэрэглэл хадгалах өрөө, ажилчдын өрөө, ариун цэврийн өрөөнүүд болон бусад өрөө тасалгаа,
  • Хоёрдугаар давхарт бүжгийн заал, фойе, дугуйлан, сургалтын өрөөнүүд, хооллох хэсэг, гал тогоо, хөргүүрийн агуулах, хуурай хүнсний агуулах, ажилчдын өрөө, гэрэл техникийн өрөө, угаалга, серверийн өрөө болон бусад өрөө тасалгаа
  • Гуравдугаар давхарт лодж, фойе, сургалтын танхим, тоглолтын танхим, жүжигчдийн өрөө, номын фонд, уншлагын танхим, зургийн өрөө, найруулагчдын өрөө, галерей, ариун цэврийн өрөөнүүд болон бусад өрөө тасалгаануудаас бүрджээ.

Улсын төсвийн хөрөнгө оруулалтаар барилгын зураг төслийг “Балданс ХХК, ерөнхий гүйцэтгэлийг “Аглут” ХХК гүйцэтгэж, Нийслэлийн Хөрөнгө оруулалтын газар захиалагчийн хяналтыг хэрэгжүүлэн ажилласан байна.


Холбоотой мэдээ

© 2024 Бүх эрх хуулиар хамгаалагдсан. gereg.mn