Дэлбэрэлтэд өртөж амиа алдсан алба хаагчдыг сүүлийн замд нь үдлээ

2024-01-29
Өнгөрсөн долоо хоногт Дүнжингаравын уулзварт газ тээвэрлэж явсан машин осолдож, дэлбэрэлт болж онцгойгийн гурван алба хаагч харамсалтайгаар амиа алдсан.Тус албан хаагчдыг сүүлийн замд нь үдэх ёслол өнөөдөр боллоо.

Албан үүргээ гүйцэтгэж байгаад харамсалтайгаар амиа алдсан алба хаагчдыг сүүлийн замд нь үдэх үйл ажиллагаанд Монгол Улсын Ерөнхийлөгч У.Хүрэлсүх, Шадар сайд С.Амарсайхан, нийслэлийн удирдлагууд, Онцгой байдлын бие бүрэлдэхүүн, талийгаачдын ар гэрийнхэн оролцов.

Баянзүрх дүүргийн 26 дугаар хороонд гарсан ослын шалтгааныг мөрдөн шалгах ажил үргэлжилж байгаа бөгөөд тухайн үед үүрэг гүйцэтгэж байсан гурван албан хаагч газ ачиж явсан машины ёмкость 40 метр шидэгдэх үед дарагдаж нас барсан болохыг ОБЕГ-аас мэдээлсэн.

Албан үүргээ гүйцэтгэж яваад амиа алдсан Онцгой байдлын албаны гурван албан хаагчдын ар гэрт “Буянт-Ухаа” хороололд тус бүр гурван өрөө орон сууц олгохоор Засгийн газраас шийдвэрлэсэн. Мөн бусад хохирлыг арилгахад шаардлагатай нөхөн төлбөрийг Засгийн газрын нөөц хөрөнгөөс гаргахаар шийдвэрлэсэн байна. Түүнчлэн амь насны даатгалаар тус бүр 50 сая төгрөг олгохоор шийдвэрлээд байгаа юм.

Холбоотой мэдээ