Х.Ганхуяг “Засгийн газар тусгай 25 сантай. Засгийн газрын нөөц сангаас бусад бүх сан зөрчилтэй. Алдартай сангуудын эргэн төлөлт 6- 7-хон хувь. Би С.Чинзориг сайдын санааг дэмжиж байгаа учраас сангийн мөнгийг нь сайдын багцад тавиад явах хэрэгтэй гэсэн байр суурьтай байна.
Яг энэ сангууд дээр гарч байгаа асуудал шиг дунд шатныхны найр л болдог. Сангийн мөнгийг өөрийнхөө таньдаг хүмүүст өгнө, авлига өгсөн хүмүүстээ өгнө. Зүгээр найрладаг. Сайд тэр болгон шалгах боломжгүй. Зөвлөл нэртэй зөвлөл байгуулна, түүнд нь нэг ангиийнхан ороод сууна. Эрүүл мэндийн асуудлыг шийдэхгүй. Баталгаатай хэлье, 5 жилийн дараа санг санаачилсан хүмүүс нь шоронд суудаг юм уу, хэрэг үүсгээд явна. Ийм юм хиймээргүй байна” хэмээлээ.
