Сөүлд Монголын дипломатч согтуугаар автомашин жолоодож яваад баригдсан тухай мэдээлжээ

2023-10-11

Сөүл дэх Монгол Улсын Элчин сайдын яамны ажилтан согтуугаар автомашин жолоодож яваад саатуулагдсан тухай Өмнөд Солонгосын SBS суваг мэдээлжээ. “А” гэж нэрийг нь нууцалсан дипломат ажилтан энэ сарын есний өглөө согтуу замын хөдөлгөөнд оролцож байгаад саатуулагдсаныг Сөүл хотын Ёндынбо дүүргийн цагдаагийн хэсэг мэдээлжээ.

Тухайн үед “А” нь огцом хурдлах, тоормослох үйлдлийг олон удаа давтаж, замын хөдөлгөөнд оролцож байсан бусад жолооч нарыг айлгаж байжээ. Жолооч нар энэ талаар цагдаад мэдээлсэн аж.

Улмаар цагдаа нарыг ирэхэд “A” цусан дахь спиртийн хэмжээгээ шалгуулахаас татгалзаж, дипломат халдашгүй статусаа хэрэгжүүлэхийг шаардаж байжээ. Хэдийгээр шалгуулаагүй ч түүнээс архи үнэртэж байсан гэнэ.

Сүүлд Монголын элчин сайдын яамнаас хүн ирж, түүнийг хэргийн газраас авч явсан байна. Цагдаагийн хэсэг дипломат ёсны дагуу уг хэргийг хаахаар төлөвлөж буй талаараа SBS сувагт мэдээлжээ.

Эх сурвалж: SBS News

Холбоотой мэдээ