Улс төрийн нөлөө бүхий эрхмүүдийн гэр бүлийхнээр зогсохгүй, урлаг, соёлынхон мэдээлэлд ойр байдлаа ашиглан БЗС-аас зээл авч, гадны их дээд сургуульд суралцсан нь ил болж байна. Ингэхдээ дэлхийн шилдэгт тооцогдохгүй их сургуульд суралцсан болон тэргүүлэх чиглэл зэрэг журамд заасан заалтуудыг зөрчсөн нь илт. Өчигдөр/2023.05.23/ АТГ-аас БЗС-гаас сургалтын төлбөрийг хувь хүний данс руу шилжүүлдэг, төгсөж ирсэн хүмүүс зээлээ чөлөөлүүлэхийн тулд НДШ-ийг хамгийн доод хэмжээгээр төлдөг зэрэг зөрчлүүдийг мэдээлсэн.
БЗС-гаас сургалтын төлбөрийг хувь хүний данс руу шилжүүлсэн баримтыг хүргэж байна.
Үүн дотор IHC койныг зах зээлд нэвтрүүлсэн, форекс арилжаач О.Мөнхжингийн эхнэр болох Н.Цолмон ч багтана.
О.Мөнхжин нь АНУ-ын Вашингтоны их сургуульд суралцах гурван жилийн төлбөр болох 170 мянган ам.долларыг Боловсролын зээлийн сангаас зээлсэн байна. Ингэхдээ Санхүү, эдийн засагч мэргэжлээр суралцсан бол эхнэр Н.Цолмон АНУ-ын Вашингтоны ИС-д суралцахдаа сургалтын төлбөр болох 188 мянган ам.долларыг хувийн дансаараа авчээ.