Засгийн газар Элчин сайд нарыг томилохыг дэмжлээ

Засгийн газрын өнөөдрийн хуралдаанаар Монгол Улсаас Куба улсад суух Онц бөгөөд бүрэн эрхт Элчин сайдаар С.Золжаргалыг, Монгол Улсаас Япон улсад суух Онц бөгөөд бүрэн эрхт  Элчин сайдаар Б. Баярсайханыг,  Монгол Улсаас БНСУ-д суух Онц бөгөөд Бүрэн эрхт Элчин сайдаар Б.Энхбатыг, Монгол Улсаас Канад Улсад суух Онц бөгөөд Бүрэн эрхт Элчин сайдаар Э.Сарантогосыг томилохыг дэмжсэн байна.

БНХАУ-ын Хөх хотод суух консулаар Ш.Оргилыг томилохыг дэмжсэн байна. Тэрбээр Сэлэнгэ аймгийн Засаг даргаар ажиллаж байсан.

Мөн Элчин сайдаар ажиллаж байсан н.Дамбийням, н.Ариунболд, н.Батжаргал нарын бүрэн эрхийн хугацаа дууссан бол Элчин сайд н.Батцэцэгийн томилолтын хугацаа дууссан тул эгүүлэн татах шийдвэр гаргажээ.


Холбоотой мэдээ

© 2024 Бүх эрх хуулиар хамгаалагдсан. gereg.mn