Д.Мөнх-Эрдэнийг Нийслэлийн прокурорын газраас Эрүүгийн хуулийн тусгай ангийн 22.5 дугаар зүйлийн 1 дэх хэсэг, 22.4 дүгээр зүйлийн 4 дэх хэсэг, 22.1 дүгээр зүйлийн 2 дахь хэсэг, 13.14 дүгээр зүйлийн 1 дэх хэсэг, 23.1 дүгээр зүйлийн 1 дэх хэсэгт тус тус заасан гэмт хэрэгт эрүүгийн хэрэг үүсгэж, яллагдагчаар татаад буй.
Д.Мөнх-Эрдэнийг шүүхээс хоёр удаа суллаж, гурван удаа хорьсон. Прокурорын зүгээс оргон зайлах, үгсэн хуйвалдах, хэргийн материалыг устгаж болзошгүй гэх үндэслэлээр хорих хүсэлт гаргасныг шүүх хүлээн авсан.
Д.Мөнх-Эрдэнэ шүүх хурал оролцохдоо батлан даалтад гарах хүсэлтээ тавьсан аж. Мөн тэрбээр хэргийн материалтайгаа танилцаагүй, мөн өмгөөлөгчөөр хангаж өгөхийг хүссэн байна. Шүүгчид түүний хүсэлтийг хэлэлцэхээр шүүх хурлыг түр завсарлуулсан ч хүсэлтийг нь хүлээж авахаас татгалзжээ.
