Төрийн албаны зөвлөл /ТАЗ/-ийн дарга Б.Баатарзориг, зөвлөлийн гишүүн С.Цэдэндамба нарын бүрэн эрхийн хугацаа дуусаж, тэд чөлөөлөгдөх хүсэлтээ гаргасан.
Үүнтэй холбоотойгоор сул орон тоонд нэр дэвшигчийн сонгон шалгаруулалтыг зарлаж, Хотын дарга асан Су.Батболд, УИХ-ын гишүүн асан Ц.Цогзолмаа, БШУЯ-ны ТНБД асан Л.Цэдэвсүрэн нарын хүмүүс нэр дэвшсэн.
Тэднээс хотын дарга асан Су.Батболдыг МАН, Засгийн газраас дэмжих боломжгүй гэдгээ илэрхийлсэн бол Ц.Цогзолмаа нэрээ татжээ. БШУЯ-ны Төрийн нарийн бичгийн дарга асан Л.Цэдэвсүрэнг дэмжиж, Төрийн албаны зөвлөлд сонгон, улмаар ТАЗ-ийн даргаар томилох тохироог хийгээд байгаа гэнэ.
Тус албанд “БСШУЯ-нд ажиллаж байсан багтайгаа очно” гэдгээ уламжлаад байгаа юм байх. Төрийн албаны зөвлөлийн гишүүнд нэр дэвшигчдийг ирэх хаврын чуулганаар хэлэлцэж батламжилна.
