АНУ-ын Тагнуулын төв газрын дарга Уилльям Бернс энэ талаар “CBS” сувагт ярилцлага өгчээ. Тэр “Хятад улс Оросыг үхлийн аюултай зэвсэг хэрэгслээр хангахаар төлөвлөж байгаад бид итгэлтэй байна. Гэхдээ одоогоор бид үхлийн аюултай зэвсэг тээвэрлэж буй нотлох баримтыг хараахан олж хараагүй байна. Энэ төрлийн зэвсэг нийлүүлэх нь маш эрсдэлтэй, аз сорьсон явдал юм” гэсэн.
Украин дахь дайн эхэлснээс хойш Беларусь улс Оросын талд байсаар ирлээ. Хятад улсын хувьд төвийг сахисан байр суурь баримталж буйгаар тогтохгүй дайны өмнөхөн ОХУ-тай хязгааргүй түншлэлээ баталсан билээ.
Барууныхан Украинд зэвсэг нийлүүлж байгаа нь гал дээр тос нэмсэн үйлдэл гэж Хятад буруутгасан. Бээжин өнгөрсөн Бямба гаригт гал зогсоож, энхийн хэлэлцээ хийх уриалга гаргасан.
Зеленский Хятадын уриалгыг сайшаасан хэдий ч үр дүн нь үгнээс бус үйлдлээс хамаарна гэлээ. Олон улсын шинжээчид Хятадыг мөргөлдөөний зуучлагч байх магадлал багатай гэж үзэж байгаа. Мөн Хятадын дарга Ши Жиньпин ойрын хугацаанд ОХУ-д айлчилж магадгүй гэнэ.
