ОУОХ-ны тэргүүн Томас Бах ОХУ, Беларусь улсын тамирчдыг олон улсын спортод оролцохыг хориглох нь хүний эрхийн зарчимд харшилж байна гэж тайлбарлалаа.
Одоогийн байдлаар 2024 оны олимпод Орос, Беларусьчууд оролцох боломжийн талаар хэлэлцэж байна гэж Бах тэмдэглэжээ. Тэрбээр хэлэхдээ, НҮБ-ын Хүний эрхийн зөвлөлийн шинжээчид ОХУ, Беларусь улсын иргэдийг олон улсын тэмцээнд оролцогчдын жагсаалтаас хасахыг зөвшөөрөөгүй байна гэжээ.
“Тэд Орос, Беларусийн тамирчдыг зөвхөн паспортын улмаас хасах нь хүний эрхийг зөрчиж байна гэж бидэнд хэлсэн” гэж Бах ярьжээ.
Дэлхийн 35 улс ОХУ, Беларусийн тамирчдыг 2024 оны Олимпийн наадамд оролцохыг эсэргүүцээд байна.
Томас Бах өмнө нь Орос, Беларусийн тамирчдыг төвийг сахисан байр сууриа хадгалсан тохиолдолд тэмцээнд оруулах боломжтой гэж тайлбарласан.
