Өнөөдрийн сонсголоор яг одоо Сайншанд аж үйлдвэрийн цогцолборыг барьж байгуулахаар Хөгжлийн банкнаас олгосон 8.1 тэрбум төгрөгийн санхүүжилттэй холбоотой асуудлаар мэдээлэл сонсч байна. Энэ асуудалтай холбогдуулан Монгол Улсын Ерөнхийлөгч асан Х.Баттулга гэрчээр дуудагдсан тул танхимд ирээд байна. Уг асуудлаар нийт 15 хүн гэрчээр дуудагджээ.
Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцын талаар Хянан шалгах үүрэг бүхий түр хорооны Нотлох баримтыг шинжлэн судлах хоёр дахь шатны сонсгол өнөөдөр гурав дахь өдрөө Төрийн ордонд үргэлжилж байна.
