“IHC” койн худалдан авч их хэмжээний мөнгөө залилуулж, өөрсдийн автомашин, орон байраа алдсан иргэд тус койныг шалгаж өгөхийг Цагдаагийн байгууллагаас хүслээ.
ИРГЭН:
Койнуудыг анх гарахад СЗХ, Цагдаагийн байгууллага ард иргэддээ мэдээлж болоогүй юм бэ.
IHC койныг гаргасан нөхдүүд байнга хүмүүст итгэл төрүүлдэг.
IHC койныг 6 төгрөг 80 мөнгөн дээр авсан. Унах тоолонд нь л авч байсан. Өнөөдөр би насаараа хураасан 142 саяаа хоёр сая төгрөг болгочихоод сууж байна. Хашаа байшингаа зарж, цалингийн зээл авч энэ койныг авсан. Намайг хэн ч хүчлээгүй ч гомдолтой байна. Гурван сая хүнээс сая нь койн аваад алдагдал хүлээсэн байгаа. Монголд үйл ажиллагаа явуулдаг биржүүдийн үйл ажиллагаанд, мөнгөний зарцуулалтад СЗХ-ноос заавал хяналт тавьж явах ёстой гэж бодож байна. Цагдаагийн байгууллага ч шалгах ёстой.