Боловсролын багц хуульд одоо байгаа дүнгийн тогтолцоог өөрчлөх агуулга багтсан талаар БШУ-ны сайд Л.Энх-Амгалан мэдээллээ.
Тэрбээр “Одоо Монгол Улсад байгаа энэ дүнгийн тогтолцоо. Хүүхдэд дүн тавьдаг, анги дэвшихэд нь уралдуулдаг нь үеэ өнгөрөөсөн тогтолцоо. Хүүхэд бүрийн ахиц, дэвшлийг үнэлдэг дүнгийн тогтолцоотой болох ёстой юм байна. Хэсэг цөөн хүүхдийг сонгож аваад олимпиадад бэлддэг, эсвэл цөөн хүүхдээ сонгож аваад ЭЕШ-д бэлддэг тогтолцоог одоо халж, хүүхдийг олимпиадад биш амьдралд бэлддэг тогтолцоо руу шилжих хэрэгтэй” гэв.
Түүнчлэн хичээл, сургууль эхэлсэнтэй холбогдуулан Боловсролын Ерөнхий газраас сургуулиудад зөвлөмж хүргүүлсэн байна. Тус зөвлөмжид хүүхдийг эрэмбэлж, байр эзлүүлэн медаль, өргөмжлөл олгодог уламжлалт үйл ажиллагааг таслан зогсоохыг зөвлөжээ.
