Хөлбөмбөгийн тоглолт дээр анх удаа цагаан хуудас үзүүллээ

Португалийн хөлбөмбөгийн эмэгтэйчүүдийн цомын 1/4  шигшээ тоглолт «Бенфика»-«Спортинг» багуудын хооронд болох үеэр шүүгч түүхэнд анх удаагаа цагаан хуудас  харуулжээ.

Тоглолтын үеэр  нэгэн тамирчин муужран унахад хоёр багийн эмч нар яаралтай тусламж үзүүлэхээр талбайд гүйн гарцгаажээ. Шүүгч эмч нарт талархал илэрхийлэн цагаан хуудас үзүүлэхэд үзэгчид ч алга ташин дэмжжээ.

Дэлхийн хөлбөмбөгийн холбоо FIFA туршилт болгон Португалид  цагаан хуудсыг туршиж байна. Шүүгч цагаан хуудас үзүүлэн шударга тоглолт хийсэнд нь тамирчдад  талархал илэрхийлж болно.

Хэдэн жилийн турш FIFA  улбар шар хуудас нэвтрүүлэхээр ярилцаж байгаад больсон юм. Уг хуудас нь шар, улаан хоёрын дундах шийтгэл болох ёстой байв.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ