Уг төсөлд дэд сайдаас дээш албан тушаалтны хамаарал бүхий этгээдийг төрийн удирдах албан тушаалд томилохыг хориглох заалт оруулсан ажээ. УИХ-аас хуулийн төслийг баталсан тохиолдолд УИХ, Засгийн газрын гишүүдийн эхнэр, хүүхэд зэрэг хамаарал бүхий этгээдийг төрийн удирдах албан тушаалд томилох нь хууль зөрчсөн болох аж.
Өнгөрсөн хугацаанд төрийн алба төрлийн алба болж хувирсан тухай шүүмжлэл олонтаа гарч ирсэн юм. УИХ-ын гишүүн, ХЗДХ-ийн сайд, Засгийн газрын хэрэг эрхлэх газрын даргаар ажиллаж байсан Ц.Нямдоржийн хүү Н.Анхбаяр эцгийнхээ нэр нүүрээр Гадаад харилцааны яаманд тогтвортой алба хашиж ирсэн тухай шүүмжилдэг. Мөн Ө.Энхтүвшингийн хүү Э.Золбоо БХБ-ын дэд сайдын алба хашиж байгаа.