Францын хамгаалагч Эрнандез “Хоёр дэлхийн аварга дараалан дэлхийн аваргын финалд тоглоно гэдэг гайхалтай мөч. Бид энэ финалд ялахын төлөө шаргуу хөдөлмөрлөнө. Яг одоо бид нар зөвхөн финалын талаар л бодох хэрэгтэй. Би ядарсан ч хагас шигшээд ялах сайхан байлаа. Харин одоо ирэх Ням гаригтаа зориулан сэргэж байна. Месси биднийг айлгахгүй ээ. Аргентин гайхалтай баг ч бидэнд бэлтгэл хийх хэдэн өдөр байна” гэж мэдэгдлээ.
Довтлогч Оливье Жиру “Месси гайхалтай тамирчин. Түүний замналын хамгийн оргил үдэш бид түүнийг дураар нь дургиулахгүй. Бид энэ тоглолтод ялж, дэлхийн аваргаа хамгаалмаар байна. Бид түүнийг зогсоохын тулд бүхнийг хийнэ. Аргентинд ганц Месси байхгүй. Багийнхаа төлөө гэсэн сэтгэлтэй олон тамирчин бий. Тиймээс тэд хүчирхэг” гэжЭЭ.
Антуан Гризманн “Бид Аргентины тоглолтыг үзсэн. Бид хэрхэн тоглохоо мэднэ. Тэд бол эсрэг тоглоход хэцүү баг. Гайхалтай ч формтой байгаа. Тэнд ганцхан Месси байхгүй. Түүнийг хүрээлээд олон гайхалтай тамирчид бий. Хүнд тоглолт болно. Цэнгэлдэхэд тэдний дэмжигчид олон байх нь лавтай” гэсэн бол Орельен Чуамени “Бид сайн хамгаалах ёстой. Бид өөрсдийн чанар чансаагаа харуулах хэрэгтэй. Мэдээж, тэдэнд Месси бий. Гэхдээ түүнтэй хамт тоглох 10 тамирчин нь мөн авьяаслаг. Тиймээс бид үүнд бэлтгэлтэй байж түүхийг бүтээх боломжоо ашиглах хэрэгтэй” гэсэн байна.
