Монголын эрх баригчдаас хүсэлт ирвэл Хятад руу экспортолж буй нүүрсний хулгайн гэмт хэргийг шалгахад Монголын Засгийн газарт туслахад бэлэн болохоо тус улсаас мэдэгдлээ.
БНХАУ-ын ГХЯ-ны албан ёсны төлөөлөгч Мао Нин мягмар гарагт болсон хэвлэлийн хурлын үеэр ТАСС агентлагийн асуултад хариулахдаа ийнхүү мэдэгдсэн байна.
Мөн тэрбээр “Монголын Засгийн газар үүсээд буй нөхцөл байдлыг ойлгож, шийдвэрлэх арга хэмжээ авч чадна гэдэгт бид итгэлтэй байна. Монголын талаас ийм хүсэлт гаргавал БНХАУ-ын эрх бүхий газрууд хуулийн дагуу шаардлагатай тусламжийг үзүүлнэ” гэж хэлжээ.
