Түгжрэлийг бууруулах ажлын хүрээнд Монгол Улсын сайд, Нийслэл Улаанбаатар хотын авто замын түгжрэлийг бууруулах үндэсний хорооны дарга Ж.Сүхбаатар арванхоёрдугаар сарын 5-наас эхлэн Нийтийн тээврийг нэгдүгээр эгнээгээр явуулах журмын хэрэгжилтэд онцгой анхаарч, шуурхайлан ажилдаа орохыг холбогдох албан тушаалтнуудад үүрэг болгосон.
Үүний дагуу өнөөдрөөс эхлэн Офицеруудын ордноос Таван шарын уулзвар хуртэлх замын зорчи хэсгийн нэгдугээр эгнээгээр автомашин зорчуулахгүй байхад ТЦА-наас хяналт тавин ажиллаж байна.
Зөрчил гаргасан тохиолдолд цагдаагийн шалгах төхөөрөмж, иргэд ашиглах гар утаснаас торгууль илгээх зэргээр арга хэмжээ авах юм байна.
Нэгдүгээр эгнээг чөлөөлж байгаатай холбоотой өглөөний 06:30-09:30 цагт дундын 23 зогсоолоос нэмэлтээр 52 тээврийн хэрэгсэл, оройн 17:00-19:30 цагт дундын 16 зогсоолоос нэмэлтээр 34 тээврийн хэрэгсэл 86 тээврийн хэрэгсэл богино эргэлтээр явна. Нийт 1,029 автобус иргэдэд үйлчилнэ хэмээн нийслэлийн Нийтийн тээврийн газраас мэдээллээ. Мөн тус газраас “ЗОРЧИГЧИДДОО ХҮЛЭЭГДЭЛГҮЙ ШУУРХАЙ ҮЙЛЧИЛЦГЭЭЕ” аяныг эхлүүлж, зарим аж ахуйн нэгж нийгмийн хариуцлагын хүрээнд карт уншигч төхөөрөмжгүй тээврийн хэрэгслүүдийг дайчлан өнөөдрөөс үйлчилгээнд явуулж байна.
Шугам замд Автотээврийн хяналтын улсын 16 байцаагч, 144 шалгагч нар хяналт тавин ажиллана гэв.
