Хөлбөмбөгийн ДАШТ маргааш эхлэх учир Европын хөлбөмбөгийн клубууд завсарлага аваад байна. Тэгвэл уг тэмцээнд оролцох эрхгүй дайн хийж буй ОХУ, Беларусийн шигшээ багууд ойрын өдрүүдэд нөхөрсөг тоглолт хийх гэнэ.
Беларусьчууд Эмиратад хоёр тоглолт хийж байна. Өрсөлдөгчид нь Сири (11-р сарын 17), Оман (11-р сарын 20) ажээ.
Азийн хөлбөмбөгийн холбооны төлөөлөгчдөөс Беларусийн баг өмнө нь Япон, Өмнөд Солонгос, Тайланд, Иран, Саудын Араб, Узбекистан, Тажикистан, Киргиз, Бахрейн, Энэтхэг зэрэг улсуудтай таарч байсан. 22 тоглолтод белорусчууд дөрвөн тэнцээ, 13 хожил авчээ.
Оросууд Тажикистан, Узбекистантай, Беларусьчууд Сири, Омантай тоглох аж.
ОХУ-ын багийн хувьд Валерий Карпины багийнхан Иран, Боснитай тоглох ёстой байсан ч төлөвлөгөө өөрчлөгдсөн байна. Карпины баг эхлээд Душанбед Тажикистантай (11-р сарын 17) тоглосон бол, дараа нь Ташкентад Узбекистантай (11-р сарын 20) тоглох гэнэ. Оросууд болон өрсөлдөгчдийн хоорондох ялгаа илт харагдаж байгаа ч Валерий Карпиний хэлснээр бүх зүйл тийм ч тодорхой биш байна.
“Бид Узбекистан, Тажикистанаас илүү хүчтэй биш. Бид тэдэнтэй эн тэнцүү багтай. Бид үүнээс эхэлнэ” гэж Валерий Георгиевич хэлжээ.
Гэмтлийн улмаас шигшээ багийн болон Краснодар багийн гол хаалгач Матвей Сафонов тоглох боломжгүй болжээ. Мөн “Спартак”-ын хагас хамгаалагч Антон Зинковский Москвад үлджээ. Карпин бүх тоглогчдод тоглох цаг өгөх ажээ.
