АТГ-аас энэ талаар тодруулахад “Нүүрсний хулгай, луйврыг шалгаж байна. Дэлгэрэнгүй мэдээллийг прокурорын зөвшөөрөлтэйгээр өгнө” гэлээ. Эх сурвалжийн мэдээлснээр, тус газраас “нүүрсний хулгай”-н хэрэгт холбоотой хэд хэдэн хүнийг яллагдагчаар татах, дайчлан баривчлах саналыг прокурорт хүргүүлэхээр төлөвлөж байгаа гэнэ.
Авлигатай тэмцэх газраас өчигдөр 11.00 цагаас эхлэн шөнийн 02.00 цаг хүртэл нүүрснийхэнтэй холбоотой 24 объектод үзлэг нэгжлэг хийж, 33 хүнийг дайчлан байцаажээ.
Байцаагдсан хүмүүсийн дотор “Эрдэнэс Тавантолгой” ХК, “Тавантолгой төмөр зам” ТӨХК болон гүйцэтгэгч гэрээтэй байгууллагуудын албан тушаалтнууд байгаа юм. Тухайлбал, “Тавантолгой төмөр зам” ХХК-ын хэд хэдэн объектод нэгжлэг хийж, тус компанийн гүйцэтгэх захирал Н.Удаанжаргалыг байцаажээ.
