Өчигдөр дэлхий даяар нэгэн шуугиант мэдээлэл цацагдаж зарим улс орнууд дургүйцлээ илэрхийлж байна. Энэ нь Хятадын засгийн газрыг Нидерландад дор хаяж хоёр зарлаагүй “цагдаагийн газар” байгуулсан гэж Вант улсын Гадаад харилцааны яам буруутгасантай холбоотой.
Нидерландын хэвлэлүүд дипломат үйлчилгээ үзүүлнэ гэж амласан “гадаадад байрлах үйлчилгээний газрууд”-ыг Европ дахь Хятадын тэрс үзэлтнүүдийн амыг таглахад ашиглаж байгааг нотлох баримт олжээ.
Нидерландын ГХЯ-ны хэвлэлийн төлөөлөгч албан бус цагдаагийн газрууд байгааг хууль бус гэж мэдэгдэв. Хятадын Гадаад хэргийн яам Голландын мэдэгдлийг няцаасан байна.
Испанид төвтэй Safeguard Defenders ТББ-аас гаргасан Хятадын үндэстэн дамнасан цагдаа нар мөрдөн байцаалт явуулсан байна. Тус байгууллагын мэдээлснээр, Хятадын хоёр мужийн олон нийтийн аюулгүй байдлын алба таван тивийн 21 улс даяар 54 “албан бус цагдаагийн үйлчилгээний төв” байгуулжээ. Тэдний ихэнх нь Европт, ес нь Испанид, дөрөв нь Италид байдаг. Их Британий Лондонд хоёр, Глазго хотод нэгийг олжээ.
Тэгвэл ийм цагдаагийн газар Монгол улсын нийслэл Улаанбаатар хотод үйл ажиллагаагаа явуулж байна гэж газрын зураг дээр өнгө ялган тэмдэглэжээ.
Энэ нэгжүүд нь үндэстэн дамнасан гэмт хэрэгтэй тэмцэх, Хятадын жолооны үнэмлэхийг шинэчлэх зэрэг захиргааны үүргийг гүйцэтгэх зорилгоор байгуулагдсан бололтой. Гэвч Safeguard Defenders-ийн мэдэгдснээр, бодит байдал дээр тэд Хятадын дэглэмийн эсрэг үг хэлсэн гэж сэжиглэгдсэн хүмүүсийг нутаг буцахыг нь албадах зорилготой “ятгах ажиллагаа” явуулдаг гэнэ.
RTL News болон эрэн сурвалжлах сэтгүүлзүйн платформ нь Хятадын тэрс үзэлтэн Ван Жингюгийн түүхийг хуваалцаж, түүнийг Хятадын цагдаа нар Нидерландад мөрдөж байгаа гэж мэдэгджээ.
Ван Нидерландын сэтгүүлчдэд англи хэлээр ярихдаа “Намайг асуудлаа шийдэхийн тулд Хятадад буцаж ирэхийг уриалж байна. Мөн эцэг эхийнхээ талаар бод гэсэн” гэж хэлжээ. Тэрээр Хятадын засгийн газрын агентууд зохион байгуулж байна гэж үзэж байгаа дарамт шахалт, айлган сүрдүүлгийн системтэй кампанит ажлыг тайлбарлажээ.
Хятадын элчин сайдын яамнаас RTL News-т өгсөн мэдээлэлд хариу болгож, ийм цагдаагийн газар байдгийг мэдэхгүй гэсэн байна.
Нидерландын Гадаад хэргийн яамны хэвлэлийн төлөөлөгч Максим Ховенкамп ВВС-д хэлэхдээ “Нидерландын засгийн газарт эдгээр үйл ажиллагааны талаар Хятадын засгийн газар дипломат шугамаар мэдэгдээгүй. Энэ нь хууль бус” гэжээ.
Үүнийг шалгаж, зохих хариуг нь олох ёстой гэв. “Нидерландад хятад иргэнийг айлган сүрдүүлж, дарамталсан нь маш их түгшүүр төрүүлж байна. Цагдаа нар түүнийг хамгаалах боломжуудыг хайж байна” гэж тэр нэмж хэлжээ.
Паспорт сунгах, виз хүсэх зэрэг үйлчилгээг ихэвчлэн элчин сайдын яам эсвэл консулын газар хариуцдаг. Нидерланд, Хятад хоёр гарын үсэг зурсан Венийн конвенцид тусгагдсаны дагуу эдгээрт дипломат дүрэм үйлчилнэ.
Хятад улс ажиллуулж байна гэж буруутгаж байгаа шиг цагдаагийн газруудыг ажиллуулах нь үндэсний эрх мэдэл, дотоодын хууль тогтоомжийн дагуу олгосон хамгаалалтыг тойрч гарах замаар хүлээн авагч орны нутаг дэвсгэрийн бүрэн бүтэн байдлыг зөрчиж болзошгүй юм.
Хятадын Гадаад хэргийн хэвлэлийн төлөөлөгч Ван Вэнбин лхагва гарагт хэлэхдээ, хилийн чанад дахь цагдаагийн газар нь “хятадад байгаа иргэдэд үйлчлэх төвүүдтэй адил” гэж тодорхойлсон бөгөөд Хятад улс бусад орны шүүхийн бүрэн эрхт байдлыг бүрэн хүндэтгэдэг гэжээ.
Тэрээр сэтгүүлчдэд хэлэхдээ “Олон хятадууд коронавирусын улмаас Хятадад буцаж очих боломжгүй болсон тул хүндрэлийг даван туулахад нь туслахын тулд холбогдох орон нутгийн засаг захиргаа онлайн үйлчилгээний платформыг нээсэн. Ийм үйлчилгээ нь ихэвчлэн биеийн үзлэг, жолооны үнэмлэхийг солиход чиглэгддэг” гэжээ.
Хятадын цагдаагийн байгууллагын тактик нь гэмт хэрэгтэй холбоо тогтоогоогүй, хүлээн авагч орнуудын зохих журмын дагуу сэжигтнийг онилсон тул “асуудалтай” гэж мэдэгдэв.
Энэ нь юуны түрүүнд оргон зайлсан гэх хүмүүсийн гэр бүлийн гишүүдийг албадах, заналхийлэх замаар тэднийг нутаг буцахыг нь “ятгах” арга юм гэж тус байгууллага мэдэгдэв.
9-р сарын 2-нд Хятадад Харилцаа холбооны болон онлайн луйврын эсрэг үндэсний хууль батлагдаж, энэ төрлийн залилангийн хэрэгт сэжиглэгдэж буй дэлхий даяарх бүх Хятад иргэдийг нутаг дэвсгэрээс гадуурх харъяаллын нэхэмжлэлийг тогтоожээ. Онолын хувьд, шинэ хууль тогтоомж нь гадаадын нутаг дэвсгэрт байгаа Хятадын цагдаагийн хэсгүүдтэй хамтран тэрс үзэлтнүүдийг нуугдах газаргүй болжээ.
Зураг дээр: Хятадын “албан ёсны бус” цагдаагийн төв байгуулагдсан улс орнуудыг өнгөөр ялгаж үзүүлсэн дотор Монгол улс багтжээ.
Эх сурвалж: Wed, Oct 26, 2022. ВВС
