Тэд музейн нээлтийг тохиолдуулан өндөр настан, хөгжлийн бэрхшээлтэй иргэдэд энэ сарын 16-ны өдрийг дуустал үнэ төлбөргүй үйлчилсэн гэжээ. Ингээд ахмад настан болон хөгжлийн бэрхшээлтэй иргэд 15 мянган төгрөг, гадаадын иргэн 30 мянга, хүүхэд 15 мянган төгрөгөөр үйлчлүүлэхээр болсон аж.
Музейн захирал С.Чулуун “Чингис хаан” музей нүүдэлчдийн түүхийг цогцоор нь харуулсан, төрт ёсны Ази тивдээ томоохонд тооцогдох музей юм. Энэ музейд дэлгэсэн үзмэрүүдийн 93 хувь нь оригналь буюу эх хувиараа. Хуулбар биш. Үлдсэн хувь нь орчин үеийн техникийг ашигласан, тодорхой сэргээн засварлалтыг хийсэн. Нийт 100423 эх үзмэр бол 5.2 хувийг нь сэргээн засварласан гэсэн үг.
Музей бол хоёр төрлийн үйлчилгээ үзүүлдэг. Нэгдүгээрт, мөнгөөр үнэлж болшгүй соён гэгээрүүлж, мэдлэг мэдээлэл олгох, танин мэдэхүйн үйлчилгээ үзүүлдэг бол хоёрдугаарт, эдийн засгийг солонгоруулж, соёлын аялал жуулчлалыг бий болгож, соёлын бүтээлч үйлдвэрлэлийг хөгжүүлэхэд “Чингис хаан” музей тодорхой үүрэг гүйцэтгэнэ. Бидний тооцооллоор нэг жилд нийт хүм амынхаа тавхан хувьд үйлчлэхэд 4-5 тэрбум төгрөгийн орлого олж чадна” хэмээж байв.
Харин сошиалаар үүнийгээ анхнаас нь хэлж байхгүй. Хүн олноороо үзээд байхаар үнэгүй үзүүлэхгүй болгочихлоо хэмээх пост ихээр явж байна. Нээрээ ч анхнаасаа нээлтийн sale учраас тэдэн хүртэл үнэгүй гэж зарлахгүй яасан юм бол хэмээх хүмүүсийн буруу ч бас биш.
