Нэг өдрийн дотор 13 хүн коронавирусээр хүндэрч, нас барлаа

2021-06-04

Сүүлийн нэг хоногт 10 мянга гаруй хүнд шинжилгээ хийхэд 1189 хүнээс халдвар илэрч, нийт батлагдсан тохиолдол 62585 боллоо. Энэ нэг хоногт нийт 13 хүн нас баржээ. Шинээр батлагдсан тохиолдлуудаас Улаанбаатарт 989, орон нутагт 198, зөөвөрлөгдсөн нэг тохиолдол илэрсэн.

Нэг хоногт 13 хүн нас барна гэдэг нь нэг хоногийн нас баралтын хамгийн өндөр тохиол аж. Улаанбаатарын 76 эрэгтэй, 86, 77, 72, 82, 47, 57 настай эмэгтэй, 66 настай эрэгтэй, 91 настай эмэгтэй, 74 настай эрэгтэй 66 настай эмэгтэй тус тус эмнэлэгт хэвтэж байхдаа нас баржээ. 64 настай эмэгтэй Булган аймгийн голомтоос, 64 настай эрэгтэй Төв аймгийн голомтоос нас барсан байна. Ингэснээр нийт 301 хүн коронавирусын халдвараар нас бараад байна.

Улсын хэмжээнд 5096 хүн хэвтэн эмчлүүлж байгаагаас 2755 хүний биеийн байдал хөнгөн, 1741 нь хүндэвтэр, 474 нь хүнд, 126 хүний биеийн байдал маш хүнд байна. Маш хүнд хэлбэрээр өвчилсөн хүмүүсийн тоо өдөр ирэх тусам өсч байна. Иймд иргэд вакцины бүрэн тундаа хамрагдаж халдвар хамгаалалтын дэглэмээ баримтлахыг ЭМЯ-наас сануулж байна.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ