Азербайжаны Зэвсэгт хүчин Горис, Сотк, Жермукийн чиглэлд Арменийн байрлалыг их буу, том калибрын буугаар эрчимтэй буудаж эхэлжээ.
Энэ тухай Арменийн Батлан хамгаалах яам мэдэгджээ. Арменийн засгийн газар Азербайжаны халдлагыг “том хэмжээний өдөөн хатгалга” гэж нэрлэжээ. Ерөнхий сайд Никол Пашинян засгийн газрын ордонд яаралтай иржээ.
Азербайжаны Батлан хамгаалах яам ч хэд хэдэн мэдэгдэл хийсэн байна.
“Арменийн өдөөн хатгалгад хариу арга хэмжээ авах нь орон нутгийн шинж чанартай бөгөөд галын цэг бүхий хууль ёсны цэргийн байгууламж руу чиглэгдэж байна” гэж Азербайжан байр сууриа илэрхийлжээ.
Хариу арга хэмжээ нь улсын хилийн аюулгүй байдлыг хангахад чиглэж байгаа гэж мэдэгджээ. АНУ болон бусад улс орнууд хоёр улсыг галаа зогсоохыг хүсч, уриалж, шаардаж байгаагаа мэдэгдээд байна.
Барууны хэвлэлүүд дахин дайтаж эхэллээ хэмээн мэдээлж байна.
