Н.Нацагдоржийг гурван шалтгаанаар огцруулахаар яригдаж байгаа гэнэ. Нэгдүгээрт, НИТХ дээр ажлаа тайлагнадаггүй, Хоёрдугаарт, хотын төвөөр барилга байгууламж нэмж бариулахгүй гэсэн үүргийг зөрчиж, нийтийн эзэмшлийн газарт барилга барих зөвшөөрөл олгосон, Гуравдугаарт, Сонсголон төсөл буюу шинэ дагуул хотын тухай дур мэдэн ярих болсон гэх асуудлаар огцруулахаар гарын үсэг цуглуулж байгаа талаар НИТХ-ын төлөөлөгч П.Наранбаяр хэлжээ.
Хотын ерөнхий архитектор Н.Нацагдоржийн хувьд үүрэгт ажилдаа ороод нэг жил болж буй аж. Н.Нацагдорж нь ерөнхийлөгчийн хүн гэгддэг бөгөөд хотын одоогийн удирдлагуудыг түүнтэй холбодог хүн гэлцдэг. Тэгэхээр түүнийг огцруулах асуудал нь улс төрийн зорилготой гэдэг ойгомжтой гэлцэж байна.