НИТХ машиныг тэгш, сондгойгоор хөдөлгөөнд оролцуулах асуудлыг хэлэлцэхгүй нь

Нийслэлийн авто зам тэг зогсолт хийх эрсдэлтэй болсон гэж үзэн, хичээлийн шинэ жил эхэлж буйтай холбоотойгоор өнгөрсөн долоо хоногийн турш автомашины улсын дугаарыг тэгш, сондгойгоор нь ээлжлэн хөдөлгөөнд оролцуулж, хязгаарлах шийдвэр гаргасан. Энэ шийдвэрийг цаашид үргэлжлүүлэх сонирхолтой байгаагаа хотын дарга Д.Сумъяабазар мэдэгдсэн билээ. Ингээд НИТХ-аар оруулахаар бэлтгэсэн тухай мэдээлсэн.

НИТХ-ын өнөөдрийн хуралдаанаар хэлэлцэх асуудлын дунд дугаарын хязгаарлалтыг үргэлжлүүлэх асуудал багтаагүй байна.

Хотын дарга Д.Сумъяабазарын мэдээлснээр “Түгжрэлийн асуудлыг цэгцэртэл автомашиныг улсын дугаараар хязгаарлаж хөдөлгөөнд оролцуулах шийдвэрийг хэрэгжүүлэхээр төлөвлөж байна. Түүнчлэн хөдөө орон нутагт хаягтай иргэд дугаар авахдаа харъяаллаараа дугаар авч, ачааллыг улам нэмэгдүүлдэг үйлдлийг зогсоохоор төлөвлөж байна” гэсэн билээ.

Нийслэлийн иргэдийн төлөөлөгчдийн өнөөдрийн хуралдаанаар дараах асуудлыг хэлэлцэнэ. Үүнд:

  • Монгол Улсын Засгийн газрын 62 дугаар тогтоолын хэрэгжилт, өвөлжилтийн бэлтгэл ажил, нийслэлд авч хэрэгжүүлж буй арга хэмжээний тухай танилцуулга
  • Нийслэлийн нутаг дэвсгэрт улс, нийслэлийн төсвийн хөрөнгө оруулалтаар хийгдэж буй ажлын явцын тухай мэдээлэл, танилцуулга
  • Нийслэлийн ИТХ-ын төлөөлөгчид дүүргүүдэд өвөлжилт, бүтээн байгуулалт, хөрөнгө оруулалтын чиглэлээр танилцсан ажил, зарим удаашралтай ажлын чиглэлээр цаашид авах арга хэмжээний тухай
  • Нийслэлийн газар зохион байгуулалтын ерөнхий төлөвлөгөө батлах тухай
  • Нийтийн тээврийн үйлчилгээний салбарын санхүүжилтийн журам шинэчлэн батлах тухай
  • Машин цагийн зардлын тариф шинэчлэн батлах тухай
  • Нийслэлийн өмчид хөрөнгө бүртгэн авах тухай
  • Нийслэлийн өмчөөс төрийн өмчид эд хөрөнгө шилжүүлэх тухай болон бусад асуудал багтжээ.

Холбоотой мэдээ

© 2024 Бүх эрх хуулиар хамгаалагдсан. gereg.mn