ОХУ-ын Ерөнхийлөгч Владимир Путин арваннэгдүгээр сарын Балид болох “Их 20”-ийн дээд хэмжээний уулзалтад оролцохоор төлөвлөж байна гэж Индонезийн удирдагч Жоко Видодо Bloomberg агентлагт ярьжээ.
Кремлийн хэвлэлийн албанаас мэдээлснээр өмнөх өдөр нь Путин, Видодотой утсаар ярихдаа хүнсний аюулгүй байдлын талаар ярьжээ. Түүнчлэн ирэх арваннэгдүгээр сард Индонезид болох “Их 20”-ийн дээд хэмжээний уулзалтын бэлтгэл ажлын талаар хөндөн ярилцсан.
Индонезийн тэргүүн “Ерөнхийлөгч Путин надад ирнэ гэж хэлсэн. Түүний хэлснээр, БНХАУ-ын дарга Ши Жиньпин мөн дээд хэмжээний уулзалтад зочлох аж.
Өмнө нь ерөнхийлөгчийн туслах Юрий Ушаков “Их 20”-ийн дээд хэмжээний уулзалтад ОХУ оролцох форматын тухай шийдвэрийг айлчлалын өмнөхөн шууд гаргана гэж мэдэгджээ.
11-р сарын 15-16-нд Балид Их 20-ийн удирдагчдын дээд хэмжээний уулзалт болно. Эхэндээ барууны хэд хэдэн улс, тэр дундаа АНУ, Канад Оросыг Их 20-оос бүрмөсөн хасах санал гаргаж байсан ч G20-ийн бусад улсууд уг асуудлыг ийн томъёолсонтой санал нийлэхгүй байв.
Индонез улс дээд түвшний даргын хувьд G20-ийг нэгтгэж, хуваагдахаас урьдчилан сэргийлэхийг хүсч байгаагаа онцлон тэмдэглэж, арваннэгдүгээр сард Балид болох дээд хэмжээний уулзалтад оролцох урилгыг ОХУ-ын Ерөнхийлөгч Владимир Путинд илгээсэн байна. Индонез барууны орнуудтай тохиролцохын тулд G20-ийн гишүүн бус Украиныг G20-ийн уулзалтад зочноор урьсан байна.
