Нийслэлийн Засаг дарга Д.Сумъяабазар хөдөө орон нутгаас Улаанбаатарт ирэх иргэдийн шилжилт хөдөлгөөнийг 2027 он хүртэл зогсоох санал гаргажээ. Энэ асуудал нь одоогоор саналын түвшинд байгаа бөгөөд долдугаар сарын 1-нд Нийслэлийн ИТХ-аар хэлэлцүүлэхээр төлөвлөсөн байна.
Нийслэлд ирэх шилжилт хөдөлгөөнийг ийм удаан хугацаанд зогсоох саналыг анх удаа гаргах гэж байна.
Өмнө нь 2017 онд Эрүүл мэндийн тусламж, үйлчилгээ авах зайлшгүй шаардлагатай болон албан томилолтоор нийслэлд зургаан сараас дээш хугацаагаар ажиллах төрийн албан хаагч, түүний гэр бүл, Улаанбаатар хотод орон сууц худалдан авснаас бусад тохиолдолд хөдөө орон нутгаас нийслэлд ирэх шилжилт хөдөлгөөнийг 2020 оны нэгдүгээр сарын 1-нийг хүртэл буюу гурван жилийн хугацаанд зогсоох шийдвэрийг Засгийн газар гаргаж байсан аж.
