Хойд Солонгосын эрдэмтэн Ким Хе Мён НАТО-г Европ дахь мөргөлдөөнийг өдөөгч гэж нэрлэлээ.
Олон улсын бодлогын шинжлэх ухааны нийгэмлэгийн ажилтан Ким Хе Мён НАТО-г Европ дахь мөргөлдөөнийг өдөөгч гэж нэрлэсэн бөгөөд тус холбоо нь “Дорно руу урагшлах замаар” Оросын аюулгүй байдалд заналхийлж байна гэлээ. БНАСАУ-ын Төв цахилгаан мэдээний агентлагийн нийтэлсэн тайлбарт энэ тухай дурдсан аж.
“НАТО бол Зүүн Европ дахь гамшгийг өдөөгч… НАТО бол АНУ-ын ноёрхлын стратегийг хэрэгжүүлэхэд туслах зүгээр л нэг заль мэх, зөвхөн түрэмгийлэх хэрэгсэл” гэж Ким Хэ Мён хэлжээ.
Түүний бодлоор НАТО-гийн олон улсын аюулгүй байдал, энх тайвныг хангахад оруулсан хувь нэмэр нь өнөөг хүртэл НАТО дэлхийн тусгаар тогтносон улсуудын эсрэг “түрэмгий дайн”-аар “хөгжсөн” явдал аж.
“Европт дайсагнал, зөрчилдөөн, сөргөлдөөн, мөргөлдөөний үрийг таригч нь НАТО юм” гэж эрдэмтэн үзэж байна.
Өмнө нь Хятадын “Global Times” сонины тоймч Жан Хао эвсэл бусад орны ашиг сонирхлыг харгалзахгүйгээр бодлого явуулж байгаагаас болж НАТО задран унана гэж таамаглаж байсан удаатай. Хао хэлэхдээ, тус байгууллага нь АНУ-ын ноёрхлыг дэлхийд тогтоох дэлхийн геополитикийн хэрэгсэл болж, мөн барууны орнууд өөрийн үнэт зүйлийг сурталчлах хэрэгсэл болсон байна гэсэн юм.
