Л.Энх-Амгалан: Багш нарын өгдөг тайлан, бичиг цаасны ажлыг эрс багасгана

2022-06-20

Боловсролын салбарынхан өнөөдөр 2021-2022 оны хичээлийн жилийн нэгдсэн хурлаа хийж байна.

Хурлын эхэнд БШУ-ны сайд Л.Энх-Амгалан ирэх хичээлийн жилд багш нарын ачааллыг бууруулж, боловсролын чанарыг нэмэгдүүлэхээр зорилт тавьсан тухай танилцуулав.

Тэрбээр “Өнгөрсөн жил ЕБС, ИДС, МСҮТ-ийн хөтөлбөрүүдэд үнэлгээ хийхэд 21-р зууны чадварыг олгох боломжгүй гэж дүгнэсэн. Хөтөлбөрийн агуулга хүндэтсэн, хичээлийн тоо нэмэгдсэн учраас багш нарын ачаалал маш ихээр нэмэгдсэн байна.

Улс төрөөс хараат бус, мерит удирдлагын тогтолцоог бий болгож чадаагүй байна. Цэцэрлэг, сургуулийн захирлуудаар дандаа намын томилгоо сонгуулийн дараа хийгдэж байна. Хамт олондоо үнэлэгдсэн биш намдаа үнэлэгдсэн хүн очдог буруу тогтолцоо руу шилжсэн байнэ. Цаашдаа нээлттэй, мерит зарчим дээр тулгуурласан тогтолцоог бүрдүүлнэ.

Хамгийн сайн ур чадвартай багш өндөр цалин авдаг тогтолцоо руу шилжинэ. Багшийг ажлын байран дээр тасралтгүй хөгжих тогтолцоог бий болгохгүйгээр боловсролын шинэчлэлийг хийж чадахгүй.

2022-2023 оны хичээлийн жилийг багш нарын ачааллыг бууруулсан жил болгоно.

Нормочлолоор багш нийт ажлын цагийнхаа 85 хувийг хөтөлбөртөө зарцуулах ёстой. Харин одоогийн байдлаар цагийнхаа 37 хувийг хичээлдээ бэлдэх, хөтөлбөртөө зарцуулж байна. Гэтэл бичиг баримт боловруулах, тайлан гаргахад нийт цагийнхаа 44 хувийг, мэргэжлийн чадвараа дээшлүүлэн 33, эцэг эхчүүдтэй холбогдоход 10 хувиа зарцуулж байна. Хүүхдүүдтэйгээ ажиллахдаа биш дээрээс ирж байгаа тайланг бөглөхөд хамаг цагаа зарцуулж байна.

Зөвхөн БШУЯ гэхэд 38 маягтаар тайлан авдаг. Дээрээс АТГ, цагдаа, аймгийн боловсролын газар зэрэг 100 давсан тайлан бөглөж байна. Энэ тайлангуудыг болъё, маш цөөхөн тайлан авдаг болъё. Энэ 38 маягтыг болъё гэж байгаа.

Багшийг амралтын өдрүүдэд сайн дурын ажилд дайчлахыг бүрэн хориглоё. Гэртээ амраг, өөрсдийгөө хөгжүүлэг. Багш нарын ачааллыг хэдий хэмжээгээр бууруулж чадна төдий хэмжээгээр боловсролын чанарт өөрчлөлт гарна” гэлээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

  • Хүүхдийн тоо их байхаар ачаалал ихтэй байдаг. Нэг багшид ноогдох хүүхдийн тоог цөөлмөөр байна . Ялангуяа бага анги ачаалал их байна. 

  • Дотоод хэргийн их сургууль гэхэд багш нарын заах хичээлийн цагийн үндсэн гүйцэтгэх ёстой цагийг гүйцэтгэхээс гадна нэг багш доод тал нь 5 цагаас дээш гүйцэтгэх энгийн үзэгдэл энэ бол ачаалал биш гэсэн захирал нарын хандлага бүр бухшмал болчихсон байгаад байна. Нэг хичээлийн жилд нэг багш ажлын үзүүлэлт дээр гүйцэтгэх ёстой ажлын багц цагаа хангаад болоо гэхгүй зүтгүүлээд байдаг хөдөлмөрийн мөлжлөг хийдэг байдлаа болимоор байна. Төрийн байгууллага өөрсдөө албан хаагч нараа хөдөлмөрийн мөлжлөгт оруулаад хохироогоод байна

  • Ашгүй дээ. Бичиг цаасны ажил нээрээ л дийлдэхгүй хамаг цаг авч бна. Гэртээ хариад ч, амралтын өдрөөр ч чиг, ажлын үеэр чиг бичиг цаасны ажил…ёстой дуусахгүй. 

  • Боловсролын удирдлагын бодлого зөв чиглэлтэй болж байгаад баяртай байна . Хойч үеийн багш нар маань энэ сайхан орчинд хурдан шилжиж өөрийн бүтээлч сэтгэлгээгээ хөгжүүлэн  хүүхдийг өөрийн ертөнцөө бий болгох таатай орчинд суралцах нөхцөлийг бүрдүүлэн ажиллах болтугай.

  • Багшийн ажил үнэндээ их амар болсон. Тайлан, дарга нарт үзүүлэх бичиг цаасаа маш гоё өнгөтөөр хэвлээд, гоё хавтаст хийгээд байхад л болно. Хүүхдүүд угаасаа юу ч сурах сонирхолгүй байхад сургах гэж өөрийгөө зовоож байснаас тайлангаа л гоё бэлдээд байх хэрэгтэй. Энэ сайдыг гарснаас хойш тайлан,  үзүүлэх цаасны тоо улам нэмэгдсэн. 

  • Элдэв олон уралдаан тэмцээн дуу хуур, бүжгийн тэмцээн зэрэг нь зөвхөн сургуулиас бусад албан газрын өөрсдийн зохион байгуулах ажлаа сургуулийн хүүхдүүдийн дунд зохиож тэрүүнд нь орохгүй бол сургуулийн  захирал руу нь утасдаж багш нараа оролцсонгүй гэж дарамтлуулна Бүр зарим нь тэрнээс бол сургуулийн нэр төрийг унагасан гээд арга хэмжээ авахуулна Бараг сургуулийн  нэр төр гаргах дуу бүжиг спортын тэмцээнд оролцуулсангүй гэж ажлаас халагдах биз Дүүргийн дарга нараар нь захирлуулыг нь дарамтлуулна Хэцүү шүү 

  • Багш хийсэн ажлаа дүгнүүлж, сургах үйлээ судалдаг, туршлага хуримтлуулснаа хуваалцдаг байх нь зөв шүү. Хөтөлбөрөө судалж хичээлдээ бэлтгэхгүй заана гэдэг байж болшгүй зүйл. Багшийн үндсэн ажил бол сургалтаа сайн явуулах л юм. Сумын төвийн субботникоос чөлөөл!!! Элдвийн ажил хийсэн болох гэсэн дарга нарын уралдаан, тэмцээний удирдамжаас чөлөөл!!! 

  • Цалин нэмсэн гээд намар ачаалал илүү их болно. Зуны амралтаар ар гэрийнхээ ажлаа зохицуулаарай гээд л амраасан ш дээ худлаа бхаа 

  • Eldew ynziin oin arga hemjee, duu bujig, sport urlag geed yg undsen mergejleeree hugjih tsag zaw oldohgui bn. Bas 40 garsan ylzarsan uursdiiguu emgen, uwgun shig boddog zalhuu, ajlaas zugtaj amaaraa ajil hiideg bas heden namiin nuhud bolowsroliin salbart bgaa shuu. Bas boloogui deeshee dooshoo how jiw zuuj hutguuriin ajil hiideg baigaa shuu. 

  • 106 r syrgyyli 9 tugsuj bhaa xvvxdvvdiig syrlagaar n bish bagshid mungu ugsnuur n dygaarlaj xyyli bys baidal ydaa daraa davtagdaj bn ingej boldimuu saidaa esvel zvgeer xaraad syyj baihyy 

  • Ёстой зөв шүү. Сургалт чухал байхад хажуугаар нь хэрэгтэй, хэрэггүй өчнөөн бичиг цаасны ажил гардаг.  Багшид хичээлээ сайжруулах, унших судлах, хөгжих боломжийг нь олгох хэрэгтэй.  

    • Үнэхээр хүүхдээ хөгжүүлэхэд биш тайлангийн араас гарахад хэцүү байна шүү.нэг гэр бүлийн 2 хүн нэг мэргэжлийн багш байлаа гэж бодоход авч байгаа цалин амьдралд огт хүрэлцэхгүй биеэ сувилуулах амраах хөнгөлттэй нөхцөл бололцоо байхгүй хүүхдүүдийнхээ сургалтын төлбөр,ангийн засвар фондын мөнгөнд өгөөд дуусах юмаа.энэ тал дээр нэг гэр бүлээс 5 хүүхэд сургуульд сурч байгаа тохиолдолд хөнгөлөх ядаж нэг хүүхдийг нь чөлөөлөх гэсэн зүйл огт байхгүй юмаа.дээрээс нь хүүхэдтэйгээ өнгөрүүлэх цаг зав хэзээ ч байдаггүй ёстой боловсролын байгууллагад ажилласнаараа залуу нас бүх амьдралаа зориулсанаараа хохироол дуусах юмаа.ялангуяа амралтын өдрүүдээр хөгжим үзель,микрофоны тавих тийм хүн ирлээ номер бэлд гэх мэтчилэн үнэ хөлсгүйгээр үнэхээр дарамттай амьдарч байдаг шүү.хүний хийсэн хөдөлмөрийн иймэрхүү ажлын хөлсийг тусгаж өгмөөр байдаг шүү.

  • Физикийн хичээлийн агуулга ахлах ангидаа хүндэдсэн , сурах бичгээс хүүхэд юу ч олж мэдэж чадахгүй, төгсөж ирж байгаа залуу багш нарын мэдлэг чадвар маш сул, үүгээрээ цаашид физик гэдэг хичээл ЕБС д арчигдах төлөвтэй

  • Үйлчилгээний ажилчид  манаач гэх мэт улсууд цалин багатай зарц боол шиг л ажиллаж байна Дээр нь айлуудын хог цэвэрлүүлнэ тайлан авна байнга тэмцээн уралдаан гээд амрах завгүй улсууд байна

  • ЕБС-н зарим хичээлүүдийг төрөлжсөн сонголт маягаар оруулмаар санагддаг. Энэ дор ч бичсэн л байна. Ж-нь: 86-р сургууль дээр Сүхбаатар захирал байхдаа зураг-урлалын сонгоны анги байгуулж байсан. Одоо харахад төгсөгчид нь бараг 100 хувь тэр чиглэлээрээ ажиллаж байна. 

  • fb, instagramm зэрэг зугаа цэнгэлийн сошиал флатформоор төрийн ажил хэрэг маш ихээр явагдаж байна. Үүний үр дүнд хий дэмий хогон мэдээллээр тархиа эргүүлж тэрэндээ үнэмшин ажил төрлөө цалгардуулж “цаг алах” үзэгдэл гарч байна. Ялангуяа боловсролын салбар маань.  Энэ нь эргээд л нөгөө л ажлын ачаалал ихсэх шалтгаан болж байна. Фб д цаг зав гаргаж хов жив хөөцөлдөх хэрнээ яг боловсролын систем болох esis ийг хэрэглэж суръя ойлгоё гэх багш нар ч цөөн байна эцэг эхчүүд ч цөөхөн байна. Менежерүүд ч хичээлийн хуваарийг яг таг оруулах үедээ оруулж өгөхгүй байна. Мэдэхгүйгээрээ далимдуулан мэдээлэл зүйн багш нараараа менежрийн системээ хөтлүүлэх тохиолдлууд ч мэр сэр байна.

  • Сурах бичгийн дагуух конспектууд буюу НХХийг хэвлэлтэд өгөөд хэвлүүлээд багш нартаа тараах нь маш их цаг хэмнэнэ бас 

  • Сурах бичгийн дагуух конспектууд буюу НХХ ийг хэвлэлтэд өгөөд хэвлүүлээд багш нартаа тараах болсон доо Одоо 

  • Сургуулийн удирдлагуудыг бас амралтын өдрүүдээр олон судалгаа, тайлангаас чөлөөлмөөр бна. 5 дахь өдрийн орой нэгдэх өдөр өг гээд бөөн ажил ирдэг. Амжуулахын тулд амралтын өдөр ажиллахаас өөр аргагүй болдог

  • Яг зав. Хүүхдүүдэд хичээл заах цагаасаа илүү цагийг тэр цаас компьютерт зарцуулж байна. Тэгэхээр хүүхдэд ач холбогдол бага очиж байна гэсэн үг. 

  • Ашгүй дээ. Зөв шийдвэр байна. Үүнийхээ заавар шийдвэр журмыг нийслэл дүүргийн мэргэжилтэнгүүд болон сургалтын менежер захирлуудад сайн хэлж өгөөрэй тэд л болсон болоогүй өөрийнхөө зохиосон ажилд янз бүрийн тайлан нэхэж бичиг цаасыг бүр их нэмэгдүүлдэг. Сургуулийн сургалтын менежерүүд мөн хүүхэдтэй ажиллах цагийг хомс болгож өөртэйгөө ажиллуулж бусдыг цагийг нэмэгдүүлдэг шүү. 

    • Үнэн үнэн. Багш сурагчтайгаа ажиллах цагийг л сайн гаргаж өгөх хэрэгтэй. Бас бусад элдэв янз бүрийн дарга нарын бичиг цаасны ажил хийгээд хүүхдүүдтэй ажиллах цагаас байнга хомсолдог сургуулийн удирдлагуудыг болиулах хэрэгтэй. Бараг дарамталж байгаад бичиг цаасны ажлаа хийлгэж байна. 

  • Сурагчийн 7 хоногийн цагийг багасгамаар бна 7.8р ангийн сурагчийн ачаалал маш их өдөрт 8 цаг ордог. Зарим хичээлийг харьяалах хичээлд багтаасан агуулгаар Заамар бгаан. Эрүүл мэндийн хичээлийг биологийн хичээлд. Англи орос хэлийг сонголтоор. Газар зүйг байгалийн ухааны аль нэгт нэгтгэх. Дүрслэх урлагийг технологийн хичээлд нэгтгэх шаардлагатай гэж хардаг

  • Хүүхэдтэйгээ тулж ажилламаар байна. Бичиг цаасны ажлыг багасгавал нуруун дээрх ачаанаас сайхан л хөнгөрнө дөө. 

Холбоотой мэдээ