УИХ-ын гишүүн Б.Пүрэвдорж “Нэгдүгээрт УИХ-ын гишүүн яаж өөрийгөө сонгуулах зарчмаа ярих гэж байна. Хоёрдугаарт, УИХ-ын гишүүний тоог нэмэх гэж байна. Гуравдугаарт, давхар дээлтэй болох тухай асуудал ярьж байна. Өөрөөр хэлбэл сайд болж, өөртөө эрх ямба авах гэж байна. Дөрөвдүгээрт, хасагдсан байж магадгүй, Ерөнхийлөгчийг парламентаас сонгох гэж байна. Дандаа гишүүдийн эрх ямбыг нэмэгдүүлсэн өөрчлөлтийг гишүүд санаачилж болохгүй. Ерөнхийлөгч эсвэл гүйцэтгэх засаглал байдаг юм уу Засгийн газар санаачлах ёстой. Т.Доржханд мэтийн нөхдүүд жагсаалтад орох чичирч байна. Т.Доржхандаа тэр Хан-Уул дээрээ очиж үз. Эхлээд өөртөө эрх ямба авахгүй шүү” гэв.
Ийнхүү дээрх тогтоолын төслийн дагуу санал хурааж 74 хувиар санал батлагдлаа. Тогтоолыг баталсан цагаас дагаж мөрдөх юм. Тиймээс УИХ-ын гишүүд энэ сарын 18-26-ны хооронд тойрогтоо Үндсэн хуулийн өөрчлөлт оруулах талаар ард иргэдийн саналыг авахаар тогтлоо.
