COVID-19 ERSDEL аппликейшнийг утсандаа татаж, хавьтлын тандалт, судалгааны ажилд хувь нэмрээ оруулаарай

2021-04-15

Apple болон Google компаниуд хамтран бүтээсэн Exposure Notification аппликейшнийг Монголд COVID-19 ERSDEL нэртэйгээр нэвтрүүллээ.

Тус систем нь ашиглаж буй иргэний нэр ус, дугаар, байршил болон бусад ямар ч хувийн мэдээллийг цуглуулахгүй, хадгалахгүй, дамжуулахгүй технологийн шийдэлтэй юм.

Харин аппликейшнийг татсан иргэн Bluetooth-ээ асааснаар, утаснууд хоорондоо санамсаргүй тоон мэдээллээ солилцох юм.

Ухаалаг утаснууд хэдэн минут тутамд өөрчлөгддөг санамсаргүй тоон дарааллыг үүсгэж, өөр утастай ойртох үед утаснууд хоорондоо тухайн санамсаргүй тоон дарааллаа солилцох юм.

Улмаар халдвар авсан иргэний утастай сүүлийн 14 хоногт санамсаргүй тоон дарааллаа солилцсон утастай хүмүүст халдвар авсан байж болзошгүй талаарх мэдээлэл очих юм.

Товчхондоо, халдвар авсан иргэний сүүлийн 14 хоногт уулзсан хүмүүст мэдээлэл цаг алдалгүй очно. Ингэснээр хавьтал болсон иргэн бусдад халдаахгүй байх боломж бүрдэх юм.

Өдгөө тус системийг дэлхийн 60 гаруй улс орны 130 сая гаруй хүн ашиглаж, коронавируст халдвартай тэмцэж байгаа бөгөөд Монгол Улсын Онцгой комиссоос монгол болон англи хэл дээр COVID-19 ERSDEL нэрээр монголчуудад ашиглах боломжийг  “E-Mongolia”-ийн дэмжлэгтэйгээр бүрдүүлжээ.

  • Хэрвээ та iPhone хэрэглэдэг бол үйлдлийн систем нь 12.5, 13.7 хувилбар эсхүл түүнээс хойших хувилбарууд дээр “Settings” цэсээс тохиргоо хийх боломжтой.
  • Харин Android үйлдлийн системтэй бол Playstore -оос COVID19 ERSDEL аппликейшныг татаж авснаар ашиглах боломжтой.

Энэхүү систем нь ирэх Даваа гарагт буюу 04 дүгээр сарын 19-өөс ашиглах боломжтой болох юм.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ