Монгол Улсын гавьяат тамирчин Э.Цэндбаатар, тамирчин Ч.Шинэчагатагыг олны нүдэн дээр зодмоор байна гэж тулаанд дуудсан.
Тэгвэл Э.Цэндбаатар Зөгий.мн сайтад өгсөн ярилцлагадаа ийнхүү ярьжээ.
Тэрбээр, “З.Шинэчагатагын боксын карьерийг нь би дуусгасан гэж боддог. Одоо холимог тулаан руу орчихсон амжилттай явж байгаа. Ерөнхийдөө маргалдсан шалтгаан нь бол “Одоо би чамайг боксд байсан бол миний гараас гарахгүй дээ. Би чамайг аймар цохиж унагааж байсан биздээ” гээд л эхэлсэн. Азаар нэг цохиж унагааснаа тэгж томоор яриад байгаа нь надад таалагдахгүй байгаа.
Чаддаг юм бол намайг мэргэжлийн боксоор хож, хоёулаа тоглоё л гэсэн. Өөрөө ирээгүй байсан.
Одоо чаддаг юм бол Монголын ард түмний нүдэн дээр намайг дахиад нэг цохиод унагаачих. Би тэгвэл шүтье. Би тэр 300 саяыг нь олж чадна. Долоон сард Америкт тоглолттой байсан. Одоо тэрийгээ хойш нь тавьж байгаад энийг зодчихоод Америк явдаг юм уу гэж бодож байна.
Би аймар өлсгөлөн байгаа зүгээр л рингэн дээр гараад зодолдмоор байна” гэжээ.
