Энэтхэг, Хятад, Турк улсууд Украины аюулгүй байдлын баталгаа болж чадна гэж Владимир Зеленский үзэж байна.
“Одоогийн байдлаар бид аюулгүй байдлын батлан даагчдыг сонирхож байна. Мөн аюулгүй байдлын батлан даагчдын дунд бидэнд аюулгүй байдлын баталгаа өгч чадах тэргүүлэгч улс орнуудыг харж байна. Харамсалтай нь бидэнд өмнө нь ийм баталгаа байгаагүй, гэхдээ тэд ирээдүйд батлан даах болно гэдэгт итгэлтэй байна..АНУ, Их Британи, Польш, Герман, Франц зэрэг улсууд аюулгүй байдлын батлан даагч орнуудын тоонд орж болох бөгөөд бид Хятадад аюулгүй байдлын батлан даагч болохыг санал болгож байна” гэж Зеленский Энэтхэгийн Republic телевизийн сувагт ярилцлага өгөхдөө хэлсэн байна.
“Бид мөн Туркийг аюулгүй байдлын батлан даагч болгохоор санал болгож байна. Мөн Энэтхэг, хэрэв Украины аюулгүй байдлын батлан даагч орнуудын жагсаалтад нэгдэх хүсэл байгаа бол бид Энэтхэгийг урихдаа баяртай байх болно гэж би бодож байна. Учир нь Энэтхэг бол маш хүчирхэг улс юм” тэр нэмэн хэлжээ.
Өмнө нь ОХУ-ын Гадаад хэргийн сайд Сергей Лавров Москва ЕАБХАБ-ын хүрээнд олон жил батлагдсан баримт бичгүүдийн дагуу Орос, Украин болон Европын бүх орнуудад аюулгүй байдлын баталгаа өгөхийг дэмжиж байна. Ямар ч улс орон бусдын аюулгүй байдлыг хохироож өөрийн аюулгүй байдлаа бэхжүүлэхгүй”.
Лавров мөн хэлэхдээ, Беларусь улсыг Орос-Украины ирээдүйн гэрээний батлан даагч орнуудын нэг болгохыг Орос санал болгож байгаа бөгөөд одоо бүх асуудал, тэр дундаа батлан даагч орнуудын бүрэлдэхүүнийг тохиролцож байгаа юм.
