ЭМЯ-ны Төрийн нарийн бичгийн дарга асан Б.Бямбадорж Нийслэлийн Эрүүл мэндийн газрын даргаар томилогдлоо

Нийслэлийн Засаг даргын хэрэгжүүлэгч агентлаг Нийслэлийн Эрүүл мэндийн газрын даргаар Б.Бямбадорж томилогдож, үүрэгт ажлаа хүлээн авлаа.

Б.Бямбадорж хүний их эмч, эрүүл мэндийн удирдлагын зөвлөх зэрэгтэй, төрийн захиргааны менежмент болон удирдахуйн ухааны магистр, анагаах ухааны доктор, дэд профессор цолтой.

Боловсрол:

  • 1988 онд Өвөрхангай аймгийн 10 жилийн дунд сургууль,
  • 1995 онд Анагаах ухааны их сургууль,
  • 2002 онд Удирдлагын академи,
  • 2015 онд АНУ-ын Харвардын Кеннедийн Төрийн захиргааны сургууль,
  • 2017 онд Гүрэн дээд сургуулийг тус тус төгссөн.
  • Орос, англи хэлний мэдлэгтэй.

Ажлын туршлага:

  • 1988-1989 онд Халдварт өвчнийг анагаах клиникийн төв эмнэлэгт асрагч,
  • 1994-1995 онд Нэгдсэн II эмнэлэгт сэхээний тасгийн эмч,
  • 1996-1999 онд АУИС-ийн Клиникийн төв эмнэлэгт их эмч,
  • 1999-2018 онд Улсын клиникийн төв эмнэлэг /I эмнэлэг/-т клиникийн эрхлэгч, эмчилгээ, сувилгаа эрхэлсэн захирал, Бөөр шилжүүлэн суулгалтын их эмч, Гемодиализийн төвийн эрхлэгч, эмчилгээ хариуцсан орлогч дарга, ерөнхий захирал,
  • 2018 оны 1 дүгээр сараас Эрүүл мэндийн сайдын зөвлөх,
  • 2019 оны 1 дүгээр сараас ЭМЯ-ны Төрийн нарийн бичгийн даргаар тус тус ажиллаж байсан.

Түүнийг  ЭМЯ-ны Төрийн нарийн бичгийн даргаар томилогдсоны дараа хээл хахуулын хэрэгт холбоотой хэмээн хэвлэлээр бичиж байв.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ