С.Тулга:Монголын сагсанбөмбөгийн эмэгтэй баг дэлхийд чансаагаараа 3-т жагсаж байна

2021-02-08

Монголын үндэсний сагсан бөмбөгийн холбооны ерөнхий нарийн бичгийн дарга, сагсанбөмбөгийн 3х3 төрлийн үндэсний шигшээ багийн дасгалжуулагч Сүхбаатарын Тулга Монгол Улсын Гавьяат дасгалжуулагч боллоо.

Тэрбээр сагсанбөмбөгийн салбараас гавьяат цол хүртэж буй гурав дахь дасгалжуулагч бөгөөд өнгөрсөн хугацаанд багийн спортын төрлөөр тив, дэлхийн тэмцээнээс нийт 27 медаль хүртэхэд дасгалжуулагчаар ажилласан байна.

С.Тулга нь сагсан бөмбөгийн спортыг хөгжүүлэхэд ихээхэн хувь нэмэр оруулсан бөгөөд тив, дэлхийн хэмжээний 27 уралдаан, тэмцээнээс эх орондоо медаль эх орондоо авчирчээ. Түүнчлэн тэрбээр сагсан бөмбөгийн 3х3 төрлийг хөгжүүлж, Монгол Улс анх удаа багийн спортын төрлөөр олимпын наадамд оролцох эрхийг авсан билээ.

Монгол Улсын гавьяат дасгалжуулагч С.Тулга  “Монголын сагсанбөмбөгийн эмэгтэй шигшээ баг 2016 онд 193 дугаар байранд жагсаж байсан бол жилийн дотор 183 байр ахиж, 13-т жагссан. 2019 оны байдлаар эмэгтэй баг маань гуравдугаар байранд жагсаж байна. Эрэгтэй баг маань 206 улсаас дөрөвдүгээр орж, хоёр баг маань хоёулаа олимпийн эрх авсан.

Энэ шагнал бол манай хамт олныг төлөөлж, надад олгосон шагнал гэж ойлгож байна. Бид бүгд өдийг хүртэл олон хүний тус дэмээр явж байгаа. Ялахад маань хамт баярлаж, ялагдахад хамт гуньдаг, сагсан бөмбөгийн спортыг дэмжин үздэг нийт монголчууддаа маш их баярлалаа. Монголд багийн спорт хөгжихгүй гэдэг үе ард хоцорсон. 100 жилийн дараа Монголчууд олимпод багийн спортоор олимпийн наадамд оролцох гэж байна. Монголын шигшээ баг дэлхийн тэмцээнээс 8 алтан медаль, 9 мөнгөн медаль, 11 хүрэл медаль авсан.

Энэ медалийн тоог аль болох дээшээ ахиулахыг зорино. Бид дэлхийн талыг багаараа эзэлж байсан геньтэй хүмүүс. Олимпоос медаль авч ирнэ гэж амлаж байна” хэмээн ярьсан юм.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ