ДЭМБ Nipah вирусын улмаас цар тахлын аюул нүүрлэж болзошгүйг зарлалаа

Дэлхийн эрүүл мэндийн байгууллага (ДЭМБ) Nipah /Нипах/ вирус эсвэл NiV-ээс үүдэлтэй цар тахлын аюулаас сэрэмжлүүлэв. Анх 1999 онд Малайз улсад Нипах голын эрэг дээр амьдардаг гахайн фермерүүдийн дунд энэ өвчин гарсан байдаг. Түүнээс хойш Өмнөд Азид дахин 12 голомт гарчээ.

Байгалийн вирус тээгч нь өмнөд Хятад, Зүүн Өмнөд Ази, Шинэ Гвиней, Австралид өргөн тархсан жимсний сарьсан багваахайг иддэг нисдэг үнэг аж. Энэ вирус Африкт амьдардаг нисдэг үнэгүүдэд ч илэрсэн байна. Үүний зэрэгцээ, амьтад өөрсдөө өвддөггүй. Эрдэмтэд өвчтэй гахайнаас гадна халдвар авсан жимсний сарьсан багваахайн шүүрлээр бохирдсон жимс (голчлон дал модны шинэхэн шүүс) идсэний үр дүнд хүмүүс халдвар авч байсныг тогтоожээ.

NiV-ийн нас баралт 40-75 хувьтай байх ба вирус маш хурдан тархдаг. Өвчин нь шинж тэмдэггүй байх ба эсвэл үхлийн үр дагаварт хүргэдэг. Үүнийг эмчлэх аргыг хараахан нээгээгүй байна.

NiV-ээс урьдчилан сэргийлэхийн тулд ДЭМБ сарьсан багваахайн бохирдолтой болон бусад жимсийг хоолонд нэвтрэх боломжийг багасгахыг зөвлөж байна. Шинээр хураасан дал модны шүүсийг буцалгах, жимсийг хэрэглэхээс өмнө угааж, хальсалж цэвэрлэх хэрэгтэй ажээ. Сарьсан багваахайн ул мөр бүхий жимсийг хэрэглэж болохгүй. Өвчтэй амьтадтай харьцахдаа бээлий, хамгаалалтын хувцас өмсөж, нядалгааны журмыг мөрдөж ажиллана.

Хүнээс хүнд халдвар дамжих эрсдэлийг бууруулах чиглэлээр ДЭМБ-аас NiV вирусын халдвар авсан хүмүүстэй бие махбодийн холбоо тогтоохоос зайлсхийх, гараа тогтмол угаах, хувийн хамгаалах хэрэгсэл ашиглахыг зөвлөж байна.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ