Д.Нарангэрэл: Хичээл, сургуулийг 14 хоногоор хойшлуулж, цахимаар оруулах нь зүйтэй

2022-01-19
Ахлах шинжээч Д.Нарангэрэл ковидын “Омикрон” хувилбар болон 0-5 насны хүүхдүүд ларингит, хатгаа, менингитээр хүндэрч байгаа талаар өөрийн цахим хуудсандаа бичжээ.
Тэрбээр “Омикроноор өвдсөн 0-5 насны хүүхдүүд ларингит, хатгаа, менингитээр хүндэрч байна. Айлгах гээгүй анхааруулж байгаа юм шүү. Иймээс Эцэг эхчүүд хүүхдүүдээ онцгой анхаарал халамж тавих. Үүнд: 1. Бага насны хүүхдийг дэлгүүр, худалдаа, олон нийтийн болон хоолны газраар дагуулж явахгүй байх,
2.Хүүхдийн ам, хоолойг өглөө, өдөр, орой сод, давс (жамц давс бол бүүр сайн), тамидин зэргийн уусмалаар ээлжлэн 7-10 хоног сайтар зайлах, арчих,
3. Гарыг нь сайтар савандаж угааж сургах,
4. Хүүхдийн тоглоомыг давс, содтой усаар өдөр бүр угааж цэвэрлэх,
5. Хөнжил, гудсыг нь наранд тавих,
6. Өрөө тасалгааны цонхыг ээлжлэн өдрийн цагаар 10-15 минут нээж агаар сэлгэх, чийгтэй цэвэрлэгээ хийх,
7.Хүүхдийн хөтөвч, ОО-ийн өрөөг ахуйн хэрэглээний бодисоор өдөр бүр цэвэрлэх,
8. Хүүхдээ асрах, хөхүүлэхээс өмнө гараа сайтар савандаж угаах
9. Хүүхдийг шүлсдэж үнсэхгүй байх.
Хүүхэд гэнэт өндөр халуурах (38,5 түүнээс дээш), биеэр тууралт гарах, бөөлжих, хамар урвалын гурвалжин хөхрөх, амьсгаадах зэрэг шинж тэмдэг илэрвэл нэн ЯАРАЛТАЙ өрхийн болон эрүүл мэндийн байгуулагад хандаарай. Цаг алдаж огтоос болохгүй шүү.
Өнөөгийн байдлаас харахад ер нь сургуулийн танхимын сургалтыг 14 хоногоор хойшлуулж цахимаар оруулах нь зүйтэй санагдана” гэжээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ