Ж.Сүхбаатар:Гадаа хүйтэнд хүмүүс жагсаж байхад бид нар сонгууль яриад сууж байж болохгүй

2021-01-20

УИХ-ын чуулганы нэгдсэн хуралдаанаар Ерөнхийлөгчийн сонгуулийн санал авах өдрийг тогтох тухай хэлэлцэж байна. УИХ-ын Төрийн байгуулалтын байнгын хорооны хуралдаанаар санал авах өдрийг 2021 оны 6-р сарын 9-ний өдрөөр тогтохыг дэмжсэн юм.

Хуралдааны үеэр УИХ-ын гишүүн Ж.Сүхбаатар өнөөдөр сонгуулийн товыг хэлэлцэж суух нь ёс зүйд нийцэхгүй гэв.

Тэрбээр “Их хурлын хяналтын түр хороогоо ажиллуулаач. Өнөөдөр сонгууль ярих нь ёс суртахууны хувьд хүнд байна. Гадаа хүйтэнд талбайд олон хүн жагсаж байгаа энэ нөхцөлд сонгууль ярих боломжгүй. УИХ дахь эмэгтэйчүүдийн бүлэг болон гишүүд амаржсан эхийг хүйтэнд эмнэлэг шилжүүлэхэд гаргасан алдааг засах талд сулхан дугарч байгаа нь буруу. УИХ энэ асуудалд хяналт, шалгалтын үүргээ гүйцэтгэж дорвитой анхаарах ёстой” гэв.

Мөн УИХ-ын гишүүн Т.Доржханд өчигдрийн болсон явдлыг УИХ-аар хэлэлцүүлэх санал гаргасан боловч  УИХ-ын дарга өнөөдрийн хэлэлцэж байгаа асуудалтай холбоогүй гишүүний микрофоныг хаасан юм.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

  • УИХ-ын дарга Занданшатар чинь Хонгор нутгийн Женко ахынхаа бөгсийг долоогч,намаа янаглан хорлогч шүүдээ.Намын дарга ерөнхий сайд У.Хүрэлсүх энэ нөхрийг УИХ-ын дарга болгож ҮАБ-ын зөвлөлд өөрийгөө ганцаардуулах алхмаа хийсэн.Дээр нь Женкогийн тагнуул АН-ын гишүүн Чулуун гэдэг улсынхаа нууц архивын баримтыг Хятадад худалдсан хумсаа нуусан муурыг танхимдаа оруулсан зэрэг нь МАН-ын дарга У.Хүрэлсүхийн том алдаа байлаа.

Холбоотой мэдээ