Гэрээр эмчилгээ хийлгэж буй хүний тоо 30 мянга давж, 1673 тохиолдол батлагдлаа

Улсын хэмжээнд сүүлийн 24 цагийн хугацаанд хийсэн шинжилгээгээр Covid-19-ийн 1673 тохиолдол батлагджээ. Шинээр бүртгэгдсэн тохиолдлын 1083 нь нийслэлд, 590 нь аймаг, орон нутагт батлагдсан бол гадаадаас зөөвөрлөгдсөн тохиолдол бүртгэгдээгүй байна. Орон нутагт хамгийн олон буюу Өвөрхангай аймагт 112 тохиолдол бүртгэгджээ.

Мөн хугацаанд Covid-19-ийн улмаас нэг хүн нас барснаар уг өвчнөөр нийт 2013 хүн нас барав. Одоогоор улсын хэмжээнд халдвартай 7548 иргэн эмнэлэгт хэвтэн эмчлүүлж байгаагаас:

  • биеийн байдал хөнгөн 2235,
  • хүндэвтэр 4488,
  • хүнд 773,
  • нэн хүнд оноштой 52 хүн байна.

Хөнгөн хэлбэрээр өвдсөн 33670 хүн гэрийн хяналт ажиглалтад байгаа ажээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ